خوف کی لہر: بچوں سمیت باپ کی درخت سے لٹکی لاشیں عمر کوٹ میں

تازہ ترین خبر

عمرکوٹ (ویب ڈیسک) سندھ کے ضلع عمرکوٹ میں باپ اور بچوں کی درخت سے لٹکی لاشیں ملی ہیں جس کی وجہ سے علاقہ بھر میں خوف و ہراس پھیل گیا۔ بچوں کی عمریں 4 سے 8 سال کے درمیان بتائی گئی ہیں، لاشوں کو ہسپتال منتقل کردیا گیا ہے۔

یہ بھی پڑھیں: ستاروں کی روشنی میں آپ کا آج (پیر) کا دن کیسا رہے گا؟

واقعہ کی تفصیلات

آج نیوز نے پولیس کے حوالے سے بتایا کہ واقعہ پلی موڑ سٹاپ پر پیش آیا جہاں درخت سے لٹکی چار افراد کی لاشیں ملی ہیں۔ پولیس نے بتایا کہ لاشیں چمن کولہی نامی شخص اور اس کے تین بچوں کی ہیں۔

پولیس کی تحقیقات

پولیس کے مطابق علاقہ مکینوں نے بتایا کہ اہلیہ اور شوہر کے درمیان جھگڑا ہوا تھا، جس کے بعد ناراضگی پر شوہر نے بچوں کو پھانسی دینے کے بعد خودکشی کرلی۔ پولیس کا کہنا ہے کہ واقعے کی خودکشی سمیت مختلف پہلووں سے تحقیقات کا عمل جاری ہے۔