وزیر اعظم کا اہم اقدام، خواتین کے لیے ’’آن لائن ویمن پولیس اسٹیشن‘‘ قائم، صرف ایک فون کال پر کیا کیا سہولیات فراہم کی جائیں گی؟ جانیے

وزیر اعظم کا اہم اقدام

لاہور (طیبہ بخاری سے) وزیر اعظم شہباز شریف کا خواتین کو خود مختار، با اعتماد اور معاشرے میں باوقار مقام دلانے کے لیے ایک اہم قدم، آن لائن ویمن پولیس اسٹیشن قائم کر دیا گیا۔

یہ بھی پڑھیں: آسٹریلوی خاتون پر ساس سسر سمیت 3 افراد کو زہریلے مشروم کھلا کر قتل کردیا

آن لائن ویمن پولیس اسٹیشن کی تفصیلات

تفصیلات کے مطابق، آن لائن ویمن پولیس اسٹیشن بنیادی طور پر خواتین کے لئے بنایا گیا ہے۔ اس پولیس اسٹیشن میں خواتین کے لیے ہیلپ لائن 1815 مختص کی گئی ہے۔ ہیلپ لائن پر خواتین بلا جھجک کالز کر کے اپنے مسائل کا فوری حل کروا سکتی ہیں۔ 1815 ہیلپ لائن پر کال ٹیکر، کال ریسپانڈر اور تفتیشی افسران بھی خواتین پولیس اہلکار ہیں۔

یہ بھی پڑھیں: کوئٹہ دھماکا: دہشتگردوں کا سر پوری قوت سے کچلنے کا فیصلہ، انٹیلی جنس بیسڈ آپریشن بڑھائے جائیں گے، وفاقی وزیر داخلہ

سہولیات کی دستیابی

آن لائن ویمن پولیس اسٹیشن میں ویڈیو کالنگ اور آن لائن چیٹ کی سہولت موجود ہے۔ خواتین کو ایف آئی آر کے لئے تھانے جانے کی ضرورت نہیں پڑتی بلکہ ایف آئی آر ان کے گھر پہنچائی جاتی ہے۔ خواتین کے مسائل کے حل ان کی بتائی گئی لوکیشن پر کیے جاتے ہیں۔ فرسٹ ریسپانڈر 5 سے 7 منٹ کے اندر بتائی گئی لوکیشن پر پہنچتا ہے اور فوری مسائل حل کرتا ہے۔

یہ بھی پڑھیں: سلمان خان کو بشنوئی برادری سے معافی مانگنے کا مشورہ مل گیا

خواتین اور بچوں کے تحفظ کے لیے اقدامات

جن مسائل کا فوری حل ممکن نہیں ہوتا ان پر ویمن پولیس اسٹیشن کی تفتیشی افسران فوری کارروائی عمل میں لاتے ہوئے مسائل کا حل کرتی ہیں۔ خواتین اور بچوں پر تشدد، گھریلو ظلم و جبر، اور معاشرے کے کمزور طبقات کی حفاظت کو یقینی بنانے کے لیے آن لائن ورچوئل ویمن پولیس اسٹیشن قائم کیا گیا ہے۔

یہ بھی پڑھیں: عمارت پہلے سنسان مگر سرسبز پہاڑوں کے دامن میں تھی،آفر جوانی کے جوش میں قبول کر لی،کمبل سردی کے سامنے بے بس تھے اور ہم بے یارو مددگار

قانونی معلومات اور مشاورت

باقاعدہ ہیلپ لائن 1815 متعارف کرائی گئی ہے، جس سے متاثرین قانونی معلومات تک رسائی، شکایات درج کرنے، اور مشاورت حاصل کر سکتے ہیں۔ اس اقدام کا مقصد صنفی بنیاد پر جرائم اور دیگر متاثرین کی ہر ممکن مدد کرنا ہے۔ ہیلپ لائن 1815 چوبیس گھنٹے فعال ہے تاکہ یہ یقینی بنایا جا سکے کہ مصیبت میں مبتلا افراد کے لیے مدد ہمیشہ صرف ایک فون کال کی دوری پر ہو۔

آرٹیفیشل انٹیلی جنس کی مدد

آرٹیفیشل انٹیلی جنس کی مدد سے خواتین کی 15 پر آنے والی کالز 1815 پر منتقل ہو جاتی ہیں۔ آن لائن پولیس اسٹیشن مکمل طور پر پولیس اسٹیشن آن ویلز سے مربوط ہے اور ضرورت کے وقت فرسٹ ریسپانڈرز کے ساتھ پولیس اسٹیشن آن ویلز بھی موقع پر روانہ کی جاتی ہے。