لانگ مارچ اور توڑ پھوڑ کا کیس، سابق گورنر سندھ عمران اسماعیل کے وارنٹ گرفتاری جاری

اسلام آباد میں عمران اسماعیل کے خلاف وارنٹ گرفتاری جاری

اسلام آباد (ڈیلی پاکستان آن لائن) ڈسٹرکٹ اینڈسیشن کورٹ نے لانگ مارچ اور توڑ پھوڑ کیس میں سابق گورنر سندھ عمران اسماعیل کے وارنٹ گرفتاری جاری کرتے ہوئے انہیں گرفتار کرکے عدالت میں پیش کرنے کا حکم دے دیا ہے۔

یہ بھی پڑھیں: سونا ایک ہزار 500 روپے مہنگا، فی تولہ قیمت 3 لاکھ 54 ہزار 500 روپے ہو گئی

کیس کی سماعت کی تفصیلات

ڈان نیوز کے مطابق جوڈیشل مجسٹریٹ مبشر حسن نے مئی 2022 میں لانگ مارچ اور توڑ پھوڑ سے متعلق کیس کی سماعت کی۔ عمران اسماعیل کو تھانہ بارہ کہو میں توڑ پھوڑ کی دفعات کے تحت مقدمے میں نامزد کیا گیا تھا۔

یہ بھی پڑھیں: سیکیورٹی فورسز کا ڈیرہ اسماعیل خان کے علاقے کلاچی میں آپریشن، 7 خوارج ہلاک، ایک سپاہی شہید

آنے والی سماعت کی تاریخ

عمران اسماعیل کے خلاف لانگ مارچ توڑ پھوڑ کیس کی سماعت کل (24 جولائی) کو ڈسٹرکٹ اینڈسیشن کورٹ اسلام آباد میں ہوگی، کیس سے بانی پی ٹی آئی عمران خان، رہنما زرتاج گل اور دیگر پہلے ہی بری ہو چکے ہیں۔

پی ٹی آئی کے خلاف مقدمات

یاد رہے کہ مئی 2022 میں اسلام آباد میں اختتام پذیر ہونے والے پی ٹی آئی کے لانگ مارچ کے تناظر میں ملک بھر میں پولیس نے پی ٹی آئی رہنماؤں اور کارکنان کے خلاف دفعہ 144 سمیت دیگر سنگین خلاف ورزیوں پر درجنوں مقدمات درج کیے تھے۔