انگور، انار، سیب اور ٹماٹر سستے کرنے کے لئے پاکستان اور افغانستان میں تجارتی معاہدے پر دستخط

تجارتی معاہدے پر دستخط

اسلام آباد (ڈیلی پاکستان آن لائن) پاکستان اور افغانستان کے درمیان تجارتی معاہدے پر سیکریٹری تجارت جواد پال اور افغانستان کی جانب سے افغان ڈپٹی وزیر تجارت ملا احمد اللہ زاہد نے دستخط کیے۔

یہ بھی پڑھیں: مذاکرات کامیاب، بنگلہ دیش کرکٹ ٹیم سیریز کھیلنے پاکستان کے دورے پر آئے گی

ٹیرف میں کمی کی تفصیلات

اس معاہدے کے تحت دونوں ممالک ایک دوسرے کی درآمدی اشیا پر ٹیرف میں نمایاں کمی کریں گے۔ پاکستان کو 4 افغان برآمدی اشیاء میں ٹیرف کم ہوگا، جن میں انگور، انار، سیب اور ٹماٹر شامل ہیں۔ دوسری طرف، افغانستان کو بھی 4 پاکستانی برآمدی اشیاء پر ٹیرف میں کمی کا فائدہ ہوگا، جس میں آم، کینو، کیلے اور آلو شامل ہیں۔

دونوں ممالک نے ٹیرف کی شرح کو 60 فیصد سے کم کر کے 27 فیصد تک لانے پر اتفاق کیا ہے۔