صوبائی وزیر سوشل ویلفیئر و بیت المال سہیل شوکت بٹ کا سروسز ہسپتال کا دورہ

صوبائی وزیر کا سروسز ہسپتال کا دورہ

لاہور (ڈیلی پاکستان آن لائن) صوبائی وزیر سوشل ویلفیئر و بیت المال سہیل شوکت بٹ نے سروسز ہسپتال کا دورہ کیا۔ انہوں نے محکمہ سوشل ویلفیئر کے تحت قائم کردہ میڈیکل سوشل سروسز یونٹ کا جائزہ لیا۔ ایم ایس سروسز ہسپتال ڈاکٹر عابد محمود غوری اور محکمہ سوشل ویلفیئر کے افسران بھی صوبائی وزیر کے ہمراہ تھے۔

یہ بھی پڑھیں: کیلیفورنیا میں طبی مرکز میں دھماکا، ایک شخص ہلاک، 4 زخمی

معذور افراد کی ضروریات کے مطابق سہولیات

اس موقع پر صوبائی وزیر سوشل ویلفیئر سہیل شوکت بٹ نے ایم ایس سروسز ہسپتال اور سوشل ویلفیئر کے افسران کو ہدایت دی کہ میڈیکل سوشل سروسز یونٹ کی عمارت کو معذور افراد کی ضروریات کے مطابق بلڈنگ کوڈ کی روشنی میں بنایا جائے تاکہ وہ سہولت اور وقار کے ساتھ اپنی ضروریات پوری کر سکیں۔ یونٹ میں افراد باہم معذوری کی آسانی کے لیے وہیل چیئرز کے لیے موزوں ریمپ، معذور افراد کے لیے بلڈنگ کوڈ کے مطابق خصوصی واش رومز، صاف ویٹنگ ایریا اور پینے کے ٹھنڈے پانی کی سہولیات فوری طور پر فراہم کی جائیں۔

یہ بھی پڑھیں: لاہور میں سوتیلے باپ نے 5 سالہ بچی پر تیزاب پھینک دیا

معذوری سرٹیفکیٹ کے حصول کے عمل کا جائزہ

انہوں نے معذوری سرٹیفکیٹ کے حصول کے لیے آئے ہوئے افراد سے بات چیت کی اور ان سے فراہم کی جانے والی سہولیات کے بارے میں معلومات حاصل کیں۔ بعد ازاں وزیر نے میڈیکل اسسمنٹ بورڈ کے دفتر کا معائنہ کیا اور ہدایت کی کہ تمام پینڈنگ معذوری سرٹیفکیٹس ضروری کارروائی کے بعد جلد جاری کیے جائیں۔ اس ضمن میں متعلقہ افسران کو ضروری ہدایات بھی جاری کیں۔

حکومتی اقدامات اور حمایت

سہیل شوکت بٹ نے کہا کہ وزیراعلیٰ پنجاب مریم نواز کی قیادت میں حکومت ایسے تمام شہریوں کی بھرپور سرپرستی کر رہی ہے جنہیں خصوصی توجہ کی ضرورت ہے۔ ہمت کارڈ، معاون آلات، مالی معاونت اور دیگر فلاحی اقدامات اس سلسلے میں اہم پیش رفت ہیں۔ وزیراعلٰی پنجاب چاہتی ہیں کہ معذوری کسی فرد کے لیے رکاوٹ نہ بنے بلکہ وہ اپنی زندگی کو پورے اعتماد کے ساتھ گزار سکے۔ ہماری کوشش ہے کہ ریاست اُن کے لیے آسانیاں پیدا کرے۔