پولیس حملہ کیس میں عمران خان طلب، شبلی فراز کے وارنٹ گرفتاری جاری

اسلام آباد پولیس پر حملے کے مقدمہ میں پیشرفت

لاہور (ڈیلی پاکستان آن لائن) اسلام آباد پولیس پر حملے کے مقدمہ میں عدالت نے بانی پی ٹی آئی عمران خان کو طلب کرلیا ہے جبکہ شبلی فراز کے وارنٹ گرفتاری جاری کردیئے گئے ہیں۔

یہ بھی پڑھیں: چیف جسٹس کی تعیناتی، آئینی بینچ، اور سود کے خاتمے سے متعلق 26ویں آئینی ترمیم کے اہم نکات

عمران خان کی طلبی

نجی ٹی وی سما نیوز کے مطابق، لاہور کے جوڈیشل مجسٹریٹ نے اسلام آباد پولیس پر مبینہ حملے کے مقدمہ میں بانی پی ٹی آئی عمران خان کو 30 جولائی کو طلب کیا ہے۔ عدالت نے عمران خان کو جیل روبکار کے ذریعے سمن جاری کردیے ہیں۔

شبلی فراز کے وارنٹ گرفتاری

عدالت نے پی ٹی آئی رہنما شبلی فراز کے ناقابل ضمانت وارنٹ گرفتاری بھی جاری کردیئے ہیں۔ جوڈیشل مجسٹریٹ سہیل رفیق نے اس ضمن میں تحریری فیصلہ جاری کیا ہے۔ تھانہ ریس کورس پولیس نے مقدمہ درج کر رکھا ہے۔