حماد اظہر کا سرنڈر کرنے کا فیصلہ، نجی ٹی وی کا دعویٰ

تحریک انصاف کے رہنما حماد اظہر کا سرنڈر کرنے کا فیصلہ

لاہور (ڈیلی پاکستان آن لائن) تحریک انصاف کے رہنما حماد اظہر نے سرنڈر کرنے کا فیصلہ کرلیا۔

یہ بھی پڑھیں: سپرہیرو فلم ’’سپرمین‘‘ کی دھوم، چند دنوں میں کروڑوں کا بزنس

عدالت میں پیش ہونے کا پروگرام

نجی ٹی وی سماء نیوز کے مطابق، حماد اظہر عدالت کے سامنے پیش ہوکر ضمانت کی درخواست دیں گے۔ ذرائع کے مطابق انہوں نے قریبی ساتھیوں سے مشاورت مکمل کرلی ہے۔ حتمی مشاورت کیلئے وکلا کی ٹیم کو بلالیا گیا ہے۔

یہ بھی پڑھیں: مصدقہ انٹیلی جنس اطلاعات ہیں کہ بھارت پہلگام واقعہ کو جواز بنا کر اگلے 24 سے 36 گھنٹوں میں فوجی کارروائی کا ارادہ رکھتا ہے: وزیراطلاعات

مقدمات کی تعداد اور والد کی وفات

حماد اظہر کے خلاف 70 سے زائد مقدمات درج ہیں۔ پی ٹی آئی رہنما 2 سال روپوش رہنے کے بعد والد کی وفات پر سامنے آئے۔

یہ بھی پڑھیں: امریکی اخبار کی 30 برس بعد ٹرمپ یا کملا کی توثیق سے معذرت، ایڈیٹر مستعفیٰ

والد کے جنازے میں شرکت کرنے والے ساتھیوں کا شکرگزاری

یاد رہے کہ حماد اظہر نے کچھ دیر قبل ایکس پر پیغام جاری کرتے ہوئے کہا تھا کہ میں اپنی اور اپنے خاندان کی طرف سے ان ہزاروں ساتھیوں کا شکر گزار ہوں جنہوں نے میرے والد کے جنازے میں اور قرآن خوانی میں شرکت کی اور ان لاکھوں افراد کا بھی جنہوں نے افسوس کے پیغامات بھیجے اور ان کی مغفرت کے لئے دعا کی۔ تمام سیاسی جماعتوں کے قائدین جنہوں نے ان کی یاد میں بہترین الفاظ کہے اور میرے والد میاں اظہر مرحوم کے لئے دعا کی، ہم ان کے بھی مشکور ہیں۔ میرے والد کی میراث شرافت، ایمانداری اور وضع داری ہے، جو صرف میرے لئے نہیں بلکہ پورے پاکستان کے سیاسی کلچر کے لئے ایک اثاثہ اور شاندار روایت ہے۔

مشکلات کا سامنا اور انصاف کی تلاش

حماد اظہر کا کہنا تھا کہ میں اپنے والدین کا اکلوتا بیٹا، 3 بہنوں کا بھائی اور 2 کم سن بچوں کا باپ ہوں، اور مجھ سے زیادہ تکلیف اور دکھ میرے گھر والوں نے 2 سال سے زائد عرصے تک برداشت کیے۔ ظاہر ہے کہ میں اس دکھ کی گھڑی میں اپنے گھر والوں، خصوصی طور پر اپنی والدہ کے ساتھ موجود رہنے کی خواہش رکھتا ہوں۔

میں بے گناہ ہوں اور جعلی مقدمات کا نشانہ ہوں جن کا کوئی سر پیر نہیں۔ اس سلسلے میں عدالت سے رجوع کروں گا اور انصاف طلب کروں گا۔ اگر مجھے انصاف مل گیا تو اللہ کا شکر ادا کروں گا، ورنہ صبر اور استقامت کے ساتھ مزید مشکلات برداشت کروں گا۔ بے شک اللہ صابرین کا ساتھ دینے والا ہے۔