بانی پی ٹی آئی شدید ذہنی دباؤ کا شکار، فیلڈ مارشل کے خلاف جھوٹی مہم چلا رہے ہیں: عظمیٰ بخاری

تاریخی فتح کی اہمیت

لاہور (ڈیلی پاکستان آن لائن) وزیراطلاعات وثقافت پنجاب عظمیٰ بخاری نے کہا ہے کہ پاک فوج نے ’’آپریشن بنیان مرصوص‘‘ میں تاریخی فتح حاصل کر کے پوری قوم کا سر فخر سے بلند کر دیا ہے۔ پوری دنیا آج پاکستان کی مسلح افواج کی دفاعی صلاحیتوں اور پیشہ ورانہ مہارت کو تسلیم کر رہی ہے۔

یہ بھی پڑھیں: سعودی عرب میں سزائے موت پانے والے پاکستانیوں کے ورثا کا کہنا ہے: ‘ہمیں نہیں معلوم بھائی کی لاش کہاں دفن کی گئی’

وزیراعظم کی قیادت میں کامیابی

وزیراعظم شہباز شریف کی قیادت میں پاکستان نے 5 گنا بڑے دشمن کو نہ صرف میدان جنگ میں شکست دی بلکہ سفارتی اور عسکری سطح پر بھارت کو پسپائی پر مجبور کیا۔ عظمیٰ بخاری نے کہا کہ فیلڈ مارشل جنرل عاصم منیر کی اعلیٰ جنگی حکمت عملی نے بھارت کو جنگ بندی پر آمادہ کیا، جو پاکستان کی زبردست عسکری برتری کا ثبوت ہے۔

یہ بھی پڑھیں: کیرایو تھراپی یا کوبلیشن مشین کیا کسی طرح بھی کیموتھراپی کا متبادل ہے یا نہیں ؟ڈاکٹر وقاص نوازنے ڈاکٹر فیضان ملک کی شفایوسفزئی سے گفتگو کی ویڈیو شیئر کردی

عالمی سطح پر پذیرائی

پاکستان کے آرمی چیف کو امریکی صدر کی جانب سے عشائیے کی دعوت ملنا پوری قوم کے لیے اعزاز کی بات ہے، جو اس امر کا اظہار ہے کہ عالمی سطح پر پاکستان کی قیادت اور افواج کو سنجیدگی سے سنا جا رہا ہے۔ پاکستان کا نوجوان طبقہ بھارت کے خلاف اس تاریخی کامیابی پر اپنی بہادر افواج کو بھرپور خراج تحسین پیش کر رہا ہے۔

یہ بھی پڑھیں: ملک کا نام روشن کرنے کے لیے ویٹ لفٹر نے اپنا گھر بیچ ڈالا

سیاسی منظر نامہ

وزیر اطلاعات کا کہنا تھا کہ بانی پی ٹی آئی شدید ذہنی دباؤ کا شکار ہیں اور وہ فیلڈ مارشل عاصم منیر کے خلاف سوشل میڈیا پر منفی مہم کی قیادت کر رہے ہیں۔ بانی پی ٹی آئی اور ان کی جماعت سوشل میڈیا پر اداروں کے خلاف جھوٹا پراپیگنڈہ پھیلا رہی ہے۔

قانون کی بالادستی

جو شخص اپنے دور حکومت میں سیاسی مخالفین کو جیلوں میں ڈالنے کی پالیسی پر گامزن تھا، آج وہی قانون کی حکمرانی کا راگ الاپ رہا ہے۔ 9 مئی کے فسادات میں ملوث سازشی کرداروں اور ان کے سہولت کاروں کو قانون کے مطابق سزائیں دی جا رہی ہیں، یہی اصل قانون کی بالادستی ہے۔