بھائی کی ضمانت کے لیے 3 سالہ بچی اغوا کرنے والا ملزم گرفتار

کراچی میں اغواء کا واقعہ

کراچی (ڈیلی پاکستان آن لائن) خواجہ اجمیر نگری پولیس نے تاوان کے لیے اغواء کی گئی 3 سالہ بچی کو بازیاب کر کے اغوا کار کو گرفتار کر لیا۔ 3 سالہ بچی ریحانہ کو 23 جولائی 2025 کو اغواء کیا گیا تھا۔

یہ بھی پڑھیں: سیاسی عدم استحکام سے گریز کیا جائے ،بلاول بھٹو نے وفاقی حکومت کو اہم تجویز دی ہے، شازیہ مری

بچی کی بازیابی کی تفصیلات

ترجمان ایس ایس پی سینٹرل کے مطابق بازیاب کرائی گئی بچی شاہنواز بھٹو کالونی کی رہائشی ہے۔ ملزم نے دوران تفتیش انکشاف کیا کہ اس کا بھائی منگھوپیر پولیس کے ہاتھوں گرفتار ہو کر جیل میں ہے۔ بھائی کی ضمانت کیلئے رقم کی ضرورت تھی، اسی لئے بچی کو اغواء کیا۔

یہ بھی پڑھیں: کراچی کے صارفین کیلئے بجلی 6 روپے 62 پیسے سستی ہونے کا امکان

اغوا کار کا اعتراف

گرفتار ملزم بازیاب کرائی جانے والی بچی کا قریبی رشتہ دار ہے۔ ملزم نے اعتراف کیا کہ اس نے بچی کو اغواء کرنے کی منصوبہ بندی اس لئے کی تاکہ بچی کے والدین کو بلیک میل کر کے رقم حاصل کی جا سکے۔

پولیس کی کارروائی

پولیس کے مطابق کارروائی انتہائی حساس اور پیشہ ورانہ انداز میں مکمل کی گئی تاکہ بچی کو کسی قسم کا نقصان نہ پہنچے۔ اغوا کار سے تفتیش جاری ہے جس میں مزید انکشافات متوقع ہیں۔