عوام سے تیل اور گھی پر فی کلو 175 روپے تک اضافی وصول کرنے کا انکشاف، حکومت کا نوٹس
اسلام آباد میں اقتصادی رابطہ کمیٹی اجلاس
اسلام آباد (ڈیلی پاکستان آن لائن) اقتصادی رابطہ کمیٹی کے اجلاس میں ملک میں خوردنی تیل اور گھی پر عوام سے فی کلو 175 روپے تک اضافی وصول کرنے کا انکشاف ہوا ہے، وفاقی حکومت نے معاملے کا نوٹس لے لیا۔
یہ بھی پڑھیں: اقوام متحدہ کے سیکریٹری جنرل اور وزیر اعظم کا جنوبی ایشیا کی حالیہ صورتحال پر ٹیلیفونک رابطہ
گھی اور کوکنگ آئل انڈسٹری کی تحقیقات
ای سی سی اجلاس میں مسابقتی کمیشن کے ذریعے گھی اور کوکنگ آئل انڈسٹری میں کارٹل کی تحقیقات شروع کرائے جانے کا امکان ہے۔
یہ بھی پڑھیں: بینک آف پنجاب نے 30 ستمبر، 2025 تک 9 ماہ میں آپریٹنگ منافع میں شاندار 156 فیصد ریکارڈ اضافہ کیا
عالمی مارکیٹ میں قیمتوں کا اثر
ڈان نیوز کے ذرائع کے مطابق عالمی مارکیٹ میں کوکنگ آئل کی قیمتوں میں 25 فیصد تک کمی ہوئی، عالمی مارکیٹ میں کوکنگ آئل اور گھی کی قیمتوں میں 25 فیصد تک کمی کے باوجود پاکستان میں اضافہ ہوا۔ پاکستانی عوام سے 150 سے 175 روپے فی کلو اضافی وصول کیے جارہے ہیں۔
اجلاس کے ممکنہ فیصلے
اقتصادی رابطہ کمیٹی (ای سی سی) کے اجلاس میں مقامی مارکیٹ میں کوکنگ آئل اور گھی کی قیمتوں میں اضافے پر غور جاری ہے، ای سی سی معاملے پر غور کے بعد اہم فیصلے کرے گی۔ اجلاس میں مسابقتی کمیشن کے ذریعے گھی اور کوکنگ آئل انڈسٹری میں کارٹل کی تحقیقات شروع کرائے کا امکان ہے.
