عوام سے تیل اور گھی پر فی کلو 175 روپے تک اضافی وصول کرنے کا انکشاف، حکومت کا نوٹس

اسلام آباد میں اقتصادی رابطہ کمیٹی اجلاس

اسلام آباد (ڈیلی پاکستان آن لائن) اقتصادی رابطہ کمیٹی کے اجلاس میں ملک میں خوردنی تیل اور گھی پر عوام سے فی کلو 175 روپے تک اضافی وصول کرنے کا انکشاف ہوا ہے، وفاقی حکومت نے معاملے کا نوٹس لے لیا۔

یہ بھی پڑھیں: بیرسٹر سیف کی سربراہی میں کے پی کے وفد کا شمالی وزیرستان کا دورہ

گھی اور کوکنگ آئل انڈسٹری کی تحقیقات

ای سی سی اجلاس میں مسابقتی کمیشن کے ذریعے گھی اور کوکنگ آئل انڈسٹری میں کارٹل کی تحقیقات شروع کرائے جانے کا امکان ہے۔

یہ بھی پڑھیں: پراسرار خالق، دھوکہ اور پیزا کی خریداری: بٹ کوائن سے متعلق سات دلچسپ کہانیاں

عالمی مارکیٹ میں قیمتوں کا اثر

ڈان نیوز کے ذرائع کے مطابق عالمی مارکیٹ میں کوکنگ آئل کی قیمتوں میں 25 فیصد تک کمی ہوئی، عالمی مارکیٹ میں کوکنگ آئل اور گھی کی قیمتوں میں 25 فیصد تک کمی کے باوجود پاکستان میں اضافہ ہوا۔ پاکستانی عوام سے 150 سے 175 روپے فی کلو اضافی وصول کیے جارہے ہیں۔

اجلاس کے ممکنہ فیصلے

اقتصادی رابطہ کمیٹی (ای سی سی) کے اجلاس میں مقامی مارکیٹ میں کوکنگ آئل اور گھی کی قیمتوں میں اضافے پر غور جاری ہے، ای سی سی معاملے پر غور کے بعد اہم فیصلے کرے گی۔ اجلاس میں مسابقتی کمیشن کے ذریعے گھی اور کوکنگ آئل انڈسٹری میں کارٹل کی تحقیقات شروع کرائے کا امکان ہے.