تھائی لینڈ نے کمبوڈیا کی سرحد سے متصل 8 اضلاع میں مارشل لا نافذ کر دیا

مارشل لا کا نفاذ

بینکاک (ڈیلی پاکستان آن لائن) تھائی لینڈ نے فوری طور پر کمبوڈیا سے متصل آٹھ اضلاع میں مارشل لا نافذ کرنے کا اعلان کر دیا ہے۔

یہ بھی پڑھیں: بھارت، دہلی ہائیکورٹ نے اے آر رحمن پر 2 کروڑ روپے جرمانہ عائد کردیا

فوجی بیان

الجزیرہ کے مطابق چنٹابوری اور تراٹ صوبوں میں فوج کی بارڈر ڈیفنس کمانڈ کے کمانڈر، اپیچارٹ ساپراسیٹ نے ایک بیان میں کہا ہے کہ "مارشل لا اب نافذ العمل ہے"۔

یہ بھی پڑھیں: حامد میر نے پاکستان میں ڈرون بھیجنے کے بھارتی عزائم بیان کردیے

متاثرہ اضلاع

تھائی میڈیا کے مطابق مارشل لا سے متاثرہ اضلاع درج ذیل ہیں:

چنٹابوری صوبہ:

• میوآنگ چنٹابوری
• تھا مائی
• مکہم
• لیم سنگ
• کینگ ہینگ میو
• نا یائی آم
• کھاو کھچاکوٹ

تراٹ صوبہ:

• کھاو سامِنگ

تنازعہ کی وجوہات

واضح رہے کہ کمبوڈیا اور تھائی لینڈ کے درمیان گزشتہ کچھ روز سے شدید جھڑپوں کا سلسلہ جاری ہے۔ یہ تنازعہ کمبوڈیا میں تھائی سرحد کے قریب موجود ایک مندر کی وجہ سے گزشتہ کئی سال سے جاری تھا جو اب ایک جنگ کی صورت اختیار کر چکا ہے۔