چاند نظر نہیں آیا، یکم صفر اتوار کو ہوگی

چاند کی رویت کا اعلان

اسلام آباد (ڈیلی پاکستان آن لائن) مرکزی رویت ہلال کمیٹی نے اعلان کیا ہے کہ ملک بھر میں صفر کا چاند نظر نہیں آیا، اس لیے یکم صفر المظفر اتوار 27 جولائی 2025 کو ہوگی۔

یہ بھی پڑھیں: بلوچستان میں کوئی نیا آپریشن نہیں کرنے جا رہے، بھارت چھپ کر وار کر رہا ہے : طلال چودھری

اجلاس کی تفصیلات

رویت ہلال کمیٹی کا اجلاس چیئرمین مولانا عبدالخبیر آزاد کی صدارت میں اسلام آباد کے علاقے کوہسار میں وزارت مذہبی امور کے دفتر میں منعقد ہوا۔ اجلاس میں ملک بھر سے چاند نظر آنے کی کوئی شہادت موصول نہیں ہوئی۔

تاریخی معلومات

کمیٹی کے مطابق، ہفتہ 26 جولائی کو 30 محرم الحرام 1447 ہجری ہوگی، جبکہ یکم صفر کا آغاز اتوار سے ہوگا۔ اس حوالے سے باقاعدہ نوٹیفکیشن بھی جاری کر دیا گیا ہے۔