جدہ میں مقیم پاکستانیوں کی ایئرپورٹ دور ہونے کی شکایت جلد حل کر دی جائے گی، پی آئی اے کنٹری مینجر جان محمد مہر

پی آئی اے کی تاریخ اور اہمیت

جدہ (محمد اکرم اسد) خلیجی ممالک بشمول سعودی عرب میں پاکستان انٹرنیشنل ایئرلائنز پاکستانیوں کی سب سے پہلی ایئرلائین رہی ہے اور تاحال ہے۔ یہ بات سعودی عرب میں پی آئی اے کے سبکدوش ہونے والے کنٹری مینجر جان محمد مہر نے اپنے اعزاز میں دیئے جانے والے الوادعی عشائے میں پاکستان کمیونٹی سے بات چیت کرتے ہوئے کی۔

یہ بھی پڑھیں: بڑے بھائی احمد کے ساتھ آخری ویڈیو وائرل، عمر نے کیا فرمائش کی تھی؟

عشائیے کی تفصیلات

پاکستانی بزنس مین اور پاکستان انویسٹر فورم کے نائب صدر فضل میمن کی جانب سے عشائیے میں پاکستان کمیونٹی کے سرگرم افراد کی بڑی تعداد نے شرکت کی۔ جنرل مینجر جان محمد مہر سعودی عرب سے سبکدوش کے بعد اسلام آباد میں جنرل مینجر سیلز کا عہدہ سنبھالیں گے۔

یہ بھی پڑھیں: پاکستان کی ترقی پر فخر ہے، برادر ملک کے ساتھ ہمیشہ کھڑے رہیں گے: ترک قونصل جنرل

پی آئی اے کی نج کاری کی توقعات

اپنے خطاب میں انہوں نے مزید کہا پی آئی اے کی نج کاری سے بڑی امیدیں وابستہ ہیں۔ نج کاری کا مسئلہ بہت پرانا چل رہا ہے مگر امید ہے یہ معاملہ جلد حل ہوجائے گا۔ مزید کہا پاکستانیوں کو شکایت ہے کہ جدہ میں ہوائی اڈہ انہیں بہت دور پڑتا ہے، جس کی وجہ سے سفر میں مشکلات ہوتی ہیں۔ پاکستانیوں کی اس شکایت کو جلد دور کر دیا جائے گا۔

عشائیے میں شرکت کرنے والے اہم افراد

عشائیہ میں انویسٹرز فورم کے چودھری شفقت محمود، مسعود احمد پوری، افضل جٹ، ابو بکر میمن، اظہر وڑائچ اور دیگر نے شرکت کی۔ تقریب کے اختتام پر میزبان فضل میمن نے جان محمد مہر اور شفقت محمود کو سندھی ثقافت کی ترجمان سندھی اجرک پیش کی۔