اسلام آباد میں 25 من گدھے کا گوشت برآمد

اسلام آباد فوڈ اتھارٹی کا چھاپہ

اسلام آباد (ڈیلی پاکستان آن لائن) اسلام آباد فوڈ اتھارٹی نے ترنول میں چھاپہ مار کر 25 من گدھے کا گوشت برآمد کر لیا۔

یہ بھی پڑھیں: ہم نے اعتراض کیا تو کہا گیا کہ بہت لاجواب پل بنائیں گے‘‘حامد میر نے ایف 8انٹرچینج روڈ بیٹھنے پرسوال اٹھا دیا

گدھے کا گوشت اور تحقیقات

ترجمان فوڈ اتھارٹی کے مطابق ترنول میں 50 سے زائد گدھے اور بڑی مقدار میں گوشت برآمد ہوا ہے۔ ابتدائی تحقیقات سے پتہ چلتا ہے کہ یہ گوشت بیرون ملک سپلائی کیا جاتا تھا۔

یہ بھی پڑھیں: بھارت کے غیر ذمہ دارانہ رویے سے پورا خطہ خطرے میں ہے، وزیر خارجہ اسحاق ڈار

مقدمہ اور کارروائی

ترجمان نے بتایا کہ ڈائریکٹر فوڈ اتھارٹی کی جانب سے ملوث افراد کے خلاف فی الفور اندراج مقدمہ کا حکم دیا گیا۔ اتھارٹی کی ٹیم نے گدھے کا گوشت تلف کرنا شروع کر دیا ہے۔

غیر ملکی شہری کی گرفتاری

ڈپٹی ڈائریکٹر ڈاکٹر طاہرہ صدیق کا کہنا ہے کہ فوڈ اتھارٹی ٹیم کی جانب سے کل 25 من گوشت برآمد کیا گیا۔ موقع پر موجود ایک غیر ملکی شہری کو پولیس کے حوالے کر دیا گیا۔ ان کا کہنا تھا کہ گوشت کن کن ایریاز میں سپلائی کیا گیا، اس حوالے سے تفتیش جاری ہے۔