بھارتی شہر ہریدوار میں مندر میں بھگدڑ مچنے سے 6 افراد ہلاک
بھگدڑ کا واقعہ
نئی دہلی (ڈیلی پاکستان آن لائن) بھارتی ریاست اتراکھنڈ کے شہر ہریدوار کے مندر میں بھگدڑ مچنے سے 6 افراد ہلاک اور متعدد زخمی ہوگئے، جن میں سے کئی کی حالت تشویشناک ہے۔
یہ بھی پڑھیں: ترسیلات زر بھیجنے کا معاملہ: پاکستانیوں نے بچت کے بجائے اپنا نقصان کیسے کیا؟
حادثے کی تفصیلات
بھارتی میڈیا رپورٹس کے مطابق ہریدوار میں منسا دیوی کے مندر میں بھگدڑ مچنے کا واقعہ پیش آیا۔ اس حادثے کے نتیجے میں 6 افراد ہلاک اور متعدد زخمی ہوگئے، جنہیں فوری طور پر ہسپتال منتقل کردیا گیا۔
یہ بھی پڑھیں: ٹرمپ نے ایران پر حملے کی منظوری دیدی، حتمی حکم جاری نہیں کیا: امریکی اخبار
ریسکیو کاروائیاں
رپورٹ کے مطابق اترکھنڈ پولیس اور ریسکیو ٹیمیں فلاحی کاموں میں مصروف ہیں اور 35 افراد کو طبی امداد کیلئے ہسپتال منتقل کیا گیا ہے۔
یہ بھی پڑھیں: بھارت نے بنگلہ دیش کو بھی پانی بند کرنے کی دھمکی دے دی
عینی شاہد کی گواہی
بھارتی میڈیا کے مطابق، ایک عینی شاہد نے بتایا کہ اچانک بڑی تعداد میں زائرین مندر میں جمع ہوگئے تھے۔ جب کچھ لوگوں نے رش سے باہر نکلنے کی کوشش کی تو بھگدڑ مچ گئی۔
ذاتی نقصان
انہوں نے کہا کہ کچھ لوگوں کے گرنے کی وجہ سے میرے ہاتھ میں بھی فریکچر ہوگیا۔
بھارت میں مذہبی تہواروں کی صورتحال
بھارت میں مذہبی تہواروں کے دوران بھگدڑ اور بد انتظامی معمول ہے۔ رواں سال جنوری میں کمبھ میلے کے دوران بھگدڑ مچنے سے 30 افراد ہلاک ہوئے تھے۔
