نواز شریف انسٹیٹیوٹ آف کینسر میں کسی بھی سٹیج کے کینسر مریض کو انکار نہیں کیا جائے گا: وزیر اعلیٰ مریم نواز
وزیراعلیٰ پنجاب کا پیغام
لاہور ( ڈیلی پاکستان آن لائن ) وزیراعلیٰ پنجاب مریم نواز نے ورلڈ ہیڈ اینڈ نیک کینسر ڈے پر اپنے پیغام میں کہا کہ یہ دن ہمیں مہلک بیماری کے خلاف شعور، احتیاط اور ہمدردی کا پیغام دیتا ہے۔ تمباکو نوشی، گٹکا، پان، شراب اور ناقص طرزِ زندگی کینسر کے بنیادی اسباب ہیں۔ الحمدللہ، پاکستان کا پہلا "نواز شریف انسٹیٹیوٹ آف کینسر" تیزی سے تعمیر ہو رہا ہے۔
نواز شریف انسٹیٹیوٹ آف کینسر کی اہمیت
وزیراعلیٰ مریم نواز نے کہا کہ نواز شریف انسٹیٹیوٹ آف کینسر جلد ہی نہ صرف پنجاب بلکہ پورے پاکستان کے مریضوں کے لیے امید کی کرن بنے گا۔ اس انسٹیٹیوٹ میں کسی بھی سٹیج کے کینسر مریض کو انکار نہیں کیا جائے گا۔
