فیلڈ مارشل اور وزیراعظم کی وجہ سے پاکستانی سر اٹھا کر دنیا میں گھوم رہے ہیں، وزیرریلوے حنیف عباسی

حنیف عباسی کا عزم

لاہور(ڈیلی پاکستان آن لائن) وفاقی وزیرریلوے حنیف عباسی کاکہناہےکہ فتنہ الہندوستان بلوں کے اندرہوں یا بلوں سے باہر، ان کا وہیں قلع قمع کریں گے۔ وزیر نے ریلوے کی بیوروکریسی کو ہدایت کی کہ کام کریں، چھٹی نہیں ملے گی۔ انہوں نے اس عزم کا اظہار کیا کہ اگر وفاقی حکومت پنشن اور تنخواہوں کا بوجھ اٹھا لے تو وہ ریلوے کو منافع بخش بنا دیں گے۔ بزنس ٹرین کا 29 جولائی کو وزیر اعظم افتتاح کریں گے۔

یہ بھی پڑھیں: اسلام آباد میں میٹرو اور الیکٹرک بسوں کے کرایوں میں 100 فیصد اضافہ کر دیا گیا

پاکستان کی عالمی حیثیت

لاہورپریس کلب میں میٹ دی پریس سے خطاب کرتے ہوئے وزیر ریلوے حنیف عباسی کا کہنا تھاکہ فیلڈ مارشل اور وزیراعظم کی وجہ سے پاکستانی سر اٹھا کر دنیا میں گھوم رہے ہیں۔ ترکیہ ہو یا روس، اوورسیز پاکستانیوں کو عزت کی نگاہ سے دیکھا جا رہا ہے۔ ان کا کہنا تھاکہ بہترین خارجہ پالیسی سے دنیا نے پاکستان کی طاقت کو تسلیم کرلیا ہے، جبکہ بھارت زخم چاٹ رہا ہے۔

یہ بھی پڑھیں: پاک بھارت ممکنہ جنگ، کس کے پاس کتنے ہتھیار ہیں؟

بھارت کی اطلاعات اور اندرونی مسائل

انہوں نے کہا کہ بھارت کا شکریہ کہ اس نے پوری قومُ کو اکٹھا کر دیا ہے، نورخان ائیربیس پر میزائل گرا تو لوگ میزائل دیکھنے کے لیے بھاگتے رہے جبکہ لوگ بھارت میں چیخ و پکار کرتے رہے۔

یہ بھی پڑھیں: عظمیٰ بخاری نے بشریٰ بی بی کو سلطانہ ڈاکو قرار دے دیا

امریکی معلومات اور ریلوے کی بہتری

ان کا کہنا تھاکہ امریکہ نے خود کہہ دیا ہے کہ پانچ بھارتی جہاز گرے ہیں اور بلوچستان اور کے پی میں بھارتی پراکسی وار جاری ہے۔ انہوں نے بتایا کہ راولپنڈی کے تین، کراچی کے دو اور لاہور کے دو اسٹیشنوں پر صفائی ستھرائی کا کام آئوٹ سورس کرچکے ہیں، جبکہ ریلوے میں کھانوں کے معیار کو بہتر کیا گیا ہے۔

یہ بھی پڑھیں: ایلون مسک نے گھٹنے ٹیک دیے، ٹرمپ کے خلاف حد سے آگے نکلنے کا اعتراف

ریلوے کی سرمایہ کاری اور ترقی کی راہیں

ان کا کہنا تھا کہ جب تک ریلوے میں سرمایہ کاری نہیں کریں گے ملکی معیشت میں بہتری نہیں آ سکتی۔ انہوں نے مریم نواز کا شکریہ ادا کیا کہ انہوں نے لاہور سے راولپنڈی کو دو سے ڈھائی گھنٹے سفر کے لیے ٹریک کو بہتر کرنے کا عملی اقدام اٹھایا ہے۔ مریم نواز نے پچاس ارب ریلوے کے لیے مختص کئے ہیں۔

یہ بھی پڑھیں: پنجاب کے سکولوں میں گرمیوں کی چھٹیاں 28 مئی سے شروع ہوں گی

کول پاور پلانٹ اور جدید ترسیل

حنیف عباسی کا کہنا تھا کہ کول پاور پلانٹ پر کوئلے کی بہترین ترسیل سے 15 روپے فی یونٹ سے ساڑھے چار روپے میں فی یونٹ ملے گا اور چار ٹرینوں کے ریکوڈک کے لیے 2028 کا معاہدہ ہوجائے گا۔

جدید سہولیات

وزیر ریلوے کا کہنا تھاکہ پہلی بار ریلوے اسٹیشن پر ایکسیلیٹر لگایا ہے، انفارمیشن ڈیسک لگائے گئے ہیں۔ ان کا کہنا تھا کہ 16 بینک رابطہ ایپ کے ساتھ جوڑ دیے ہیں، جبکہ 348 ریلوے اسٹیشنوں پر اے ٹی ایم مشینیں لگانے جا رہے ہیں۔