فیلڈ مارشل اور وزیراعظم کی وجہ سے پاکستانی سر اٹھا کر دنیا میں گھوم رہے ہیں، وزیرریلوے حنیف عباسی

حنیف عباسی کا عزم

لاہور(ڈیلی پاکستان آن لائن) وفاقی وزیرریلوے حنیف عباسی کاکہناہےکہ فتنہ الہندوستان بلوں کے اندرہوں یا بلوں سے باہر، ان کا وہیں قلع قمع کریں گے۔ وزیر نے ریلوے کی بیوروکریسی کو ہدایت کی کہ کام کریں، چھٹی نہیں ملے گی۔ انہوں نے اس عزم کا اظہار کیا کہ اگر وفاقی حکومت پنشن اور تنخواہوں کا بوجھ اٹھا لے تو وہ ریلوے کو منافع بخش بنا دیں گے۔ بزنس ٹرین کا 29 جولائی کو وزیر اعظم افتتاح کریں گے۔

یہ بھی پڑھیں: فلمساز جمشید محمود عرف جامی کو ہتکِ عزت کے کیس میں 2 سال قید کی سزا سنادی گئی

پاکستان کی عالمی حیثیت

لاہورپریس کلب میں میٹ دی پریس سے خطاب کرتے ہوئے وزیر ریلوے حنیف عباسی کا کہنا تھاکہ فیلڈ مارشل اور وزیراعظم کی وجہ سے پاکستانی سر اٹھا کر دنیا میں گھوم رہے ہیں۔ ترکیہ ہو یا روس، اوورسیز پاکستانیوں کو عزت کی نگاہ سے دیکھا جا رہا ہے۔ ان کا کہنا تھاکہ بہترین خارجہ پالیسی سے دنیا نے پاکستان کی طاقت کو تسلیم کرلیا ہے، جبکہ بھارت زخم چاٹ رہا ہے۔

یہ بھی پڑھیں: پنجاب حکومت نے بانی پی ٹی آئی سے ملاقاتیں کرنے پر کسی کو نہیں روکا: عظمیٰ بخاری

بھارت کی اطلاعات اور اندرونی مسائل

انہوں نے کہا کہ بھارت کا شکریہ کہ اس نے پوری قومُ کو اکٹھا کر دیا ہے، نورخان ائیربیس پر میزائل گرا تو لوگ میزائل دیکھنے کے لیے بھاگتے رہے جبکہ لوگ بھارت میں چیخ و پکار کرتے رہے۔

یہ بھی پڑھیں: خاندان کی مرضی کے بغیر شادی پر لڑکی کے باپ نے خودکشی کرلی،بیٹی کے نام جذباتی نوٹ

امریکی معلومات اور ریلوے کی بہتری

ان کا کہنا تھاکہ امریکہ نے خود کہہ دیا ہے کہ پانچ بھارتی جہاز گرے ہیں اور بلوچستان اور کے پی میں بھارتی پراکسی وار جاری ہے۔ انہوں نے بتایا کہ راولپنڈی کے تین، کراچی کے دو اور لاہور کے دو اسٹیشنوں پر صفائی ستھرائی کا کام آئوٹ سورس کرچکے ہیں، جبکہ ریلوے میں کھانوں کے معیار کو بہتر کیا گیا ہے۔

یہ بھی پڑھیں: حارث رؤف کا بھارتی شائقین کو 0-6 کا نشان دکھانے کا اشارہ سوشل میڈیا پر ٹاپ ٹرینڈ بن گیا

ریلوے کی سرمایہ کاری اور ترقی کی راہیں

ان کا کہنا تھا کہ جب تک ریلوے میں سرمایہ کاری نہیں کریں گے ملکی معیشت میں بہتری نہیں آ سکتی۔ انہوں نے مریم نواز کا شکریہ ادا کیا کہ انہوں نے لاہور سے راولپنڈی کو دو سے ڈھائی گھنٹے سفر کے لیے ٹریک کو بہتر کرنے کا عملی اقدام اٹھایا ہے۔ مریم نواز نے پچاس ارب ریلوے کے لیے مختص کئے ہیں۔

یہ بھی پڑھیں: کولمبیا کے صدارتی امیدوار قاتلانہ حملے میں شدید زخمی

کول پاور پلانٹ اور جدید ترسیل

حنیف عباسی کا کہنا تھا کہ کول پاور پلانٹ پر کوئلے کی بہترین ترسیل سے 15 روپے فی یونٹ سے ساڑھے چار روپے میں فی یونٹ ملے گا اور چار ٹرینوں کے ریکوڈک کے لیے 2028 کا معاہدہ ہوجائے گا۔

جدید سہولیات

وزیر ریلوے کا کہنا تھاکہ پہلی بار ریلوے اسٹیشن پر ایکسیلیٹر لگایا ہے، انفارمیشن ڈیسک لگائے گئے ہیں۔ ان کا کہنا تھا کہ 16 بینک رابطہ ایپ کے ساتھ جوڑ دیے ہیں، جبکہ 348 ریلوے اسٹیشنوں پر اے ٹی ایم مشینیں لگانے جا رہے ہیں۔