معرکہ حق کی فتح پر کارڈف میں شاندار تقریب، ہائی کمشنر ڈاکٹر فیصل مہمان خصوصی

پاکستانی ہائی کمشنر کا کارڈف میں اجتماع

لندن (مجتبیٰ علی شاہ) برطانیہ میں پاکستان کے ہائی کمشنر ڈاکٹر محمد فیصل، اپنی اہلیہ ڈاکٹر سارہ نعیم کے ہمراہ، برطانیہ کے شہر کارڈف میں پاکستانی ویلز کمیونٹی اور یونائیٹڈ پشتون سوسائٹی کے زیر اہتمام ایک شاندار کمیونٹی اجتماع میں شریک ہوئے۔ اس تقریب کا مقصد پاکستان کی مسلح افواج اور پوری پاکستانی قوم کے ساتھ یکجہتی کا اظہار اور ''معرکہ حق'' کے فتح کا جشن منانا تھا۔

یہ بھی پڑھیں: عمران خان کے پولی گرافک ٹیسٹ کی اجازت دینے کا تحریری فیصلہ جاری

شرکاء کی تعداد اور خوش آمدید

اوورسیز پاکستانیز فاؤنڈیشن کے چیئرمین سید قمر رضا، کمیونٹی رہنما، پیشہ ور افراد، کاروباری شخصیات اور ویلز میں مقیم پاکستانی کمیونٹی کے افراد کی بڑی تعداد نے تقریب میں شرکت کی۔ ہائی کمشنر ڈاکٹر محمد فیصل نے ویلز میں پاکستانی کمیونٹی کا پرتپاک خیر مقدم کرنے پر شکریہ ادا کیا۔

یہ بھی پڑھیں: اسرائیلی فورسز کے غزہ پر حملے جاری، امداد کے منتظر لوگوں سمیت 19 فلسطینی شہید

ہائی کمشنر کا خطاب

اپنے خطاب میں ہائی کمشنر ڈاکٹر محمد فیصل نے کہا کہ ہماری قوم کی طاقت اتحاد میں ہے۔ انہوں نے کہا کہ ہر پاکستانی، خصوصاً اوورسیز پاکستانی، ہماری مسلح افواج کی حب الوطنی، پیشہ ورانہ مہارت اور بہادری پر فخر کرتے ہیں جنہوں نے ایک ایسے دشمن کو شکست دی جو وسائل اور حجم میں ہم سے بڑا تھا۔

یہ بھی پڑھیں: ریسکیو 1122 کے تمام اہلکاروں کو رسک الاؤنس دینے کی منظوری دیدی گئی

قوم کی جدوجہد اور کامیابیاں

ڈاکٹر محمد فیصل نے کہا کہ پوری قوم نے ہر محاذ پر جدوجہد کی اور آپریشن بنیان مرصوص میں کامیابی حاصل کی۔ میدانِ جنگ میں افواج، بین الاقوامی سطح پر سفارتی محاذ پر ہمارے سفارت کار، اور دشمن کی پروپیگنڈا کا مؤثر جواب دے کر میڈیا نے دنیا کو یہ باور کروایا کہ پاکستان امن کا علمبردار ہے لیکن اگر چیلنج کیا جائے تو بھرپور جواب دینا جانتا ہے۔

یہ بھی پڑھیں: سندھ حکومت نے تمام تعلیمی بورڈز میں ’نمبرسسٹم‘ ختم کردیا

نوجوانوں کی تعلیم اور کامیابیاں

ہائی کمشنر نے کہا کہ بیرون ملک مقیم پاکستانی نژاد نوجوانوں کو اپنی جڑوں سے جڑے رہنا چاہیے اور ان کی کامیابیوں کو اجاگر کیا جانا چاہیے۔ انہوں نے برٹش-پاکستانی خواتین کی کامیابیوں کو بھی اجاگر کرنے کی اہمیت پر زور دیا۔ ڈاکٹر محمد فیصل نے کمیونٹی کو مکمل قونصلر خدمات فراہم کرنے کی یقین دہانی کروائی۔

یہ بھی پڑھیں: آسٹریلیا کو شکست دے کر جنوبی افریقہ پہلی بار ٹیسٹ چیمپئن بن گیا

پاکستان انٹرنیشنل ایئرلائنز کی پروازیں

انہوں نے بتایا کہ پاکستان انٹرنیشنل ایئرلائن 16 اگست سے مانچسٹر کے لیے پروازیں بحال کرے گی اور دیگر برطانوی شہروں تک آپریشنز میں توسیع کی جائے گی۔ انہوں نے کہا کہ حکومت اور ہائی کمیشن دیگر پاکستانی نجی ایئرلائنز کو بھی برطانیہ میں آپریشن شروع کرنے کے لیے کام کر رہے ہیں۔

یہ بھی پڑھیں: مسافت برسوں پر پھیل گئی، گاؤں جاتا ہوں تو کسی نہ کسی اسٹیشن کے کھنڈر کے سامنے ٹھہر کراس ڈھائی جانیوالی عمارت میں شاندار ماضی تلاش کرتا پھرتا ہوں

کمیونٹی رہنماؤں کا استقبال

کمیونٹی رہنماؤں نے ہائی کمشنر، ان کی اہلیہ اور پاکستان ہائی کمیشن کے افسران کا کارڈف آنے پر پرتپاک استقبال کیا۔ انہوں نے ویلز میں مقیم پاکستانی کمیونٹی کی کامیابیوں کو اجاگر کیا اور پاکستان اور ویلز کے درمیان صحت، تعلیم اور زرعی ٹیکنالوجی کے شعبوں میں روابط اور تبادلوں کی تجویز پیش کی۔

خطاب کرنے والے اہم شخصیات

تقریب سے خطاب کرنے والوں میں ممتاز کمیونٹی رہنما شامل تھے، جن میں کونسلر محترمہ وحیدہ عبد الستار، محترمہ سعیدہ چوہدری، راج ولی خان خٹک (سابق میئر آئلز بری)، سلیم کد وائی (سابق سیکرٹری مسلم کونسل آف ویلز)، کونسلر اصغر شاہ، سید لیاقت شاہ، ریاض حسین، تنویر نواز، صفدر باچہ اور فضل ملک (یونائیٹڈ پشتون سوسائٹی) شامل تھے۔