بجٹ میں کٹوتی، ناسا کے 3,870 ملازمین نے استعفیٰ دے دیا

ناسا کی بجٹ میں کٹوتیاں

واشنگٹن (ڈیلی پاکستان آن لائن) امریکی خلائی ادارے ناسا کے بجٹ میں کٹوتیوں کے بعد ادارے کے تقریباً 3,870 ملازمین نے استعفیٰ دے دیا ہے۔

یہ بھی پڑھیں: امریکی حملے کے بعد ایران کو مذاکرات کی میز پر واپس آنا چاہئے؛ برطانوی وزیراعظم کیئر سٹارمر

ڈفرڈ ریزائنیشن پروگرام

فرانسیسی خبر ایجنسی کے مطابق ناسا کے ملازمین ڈفرڈ ریزائنیشن پروگرام کے تحت رضاکارانہ طور پر ادارہ چھوڑ رہے ہیں۔ اس پروگرام کے پہلے مرحلے میں 870 ملازمین نے استعفیٰ دیا، جبکہ دوسرے مرحلے میں 3 ہزار ملازمین نے علیحدگی کی حامی بھری۔

یہ بھی پڑھیں: روسی تیل کی خریداری میں مغربی پابندیوں کی پاسداری کی جائے گی، ریلائنس انڈسٹریز کا اعلان

ملازمین کی تعداد اور مراعات

ایجنسی کی ترجمان شیریل وارنر نے کہا کہ 3,870 ملازمین، جو ادارے کے موجودہ عملے کا 21 فیصد ہیں، ان تمام ملازمین نے موخر استعفیٰ کے 2 پروگرامز میں رضاکارانہ طور پر حصہ لینے پر اتفاق کیا ہے، جن کے تحت اضافی ادائیگی یا دیگر مراعات فراہم کی جائیں گی۔

مستقبل میں ملازمین کی تعداد

وارنر نے کہا کہ مؤخر استعفیٰ پروگرامز اور عملے میں کمی کے بعد ادارے کے مستقل ملازمین کی تعداد تقریباً 14 ہزار رہ جائے گی، تاہم یہ تعداد مستقبل میں تبدیل ہو سکتی ہے۔