خیبرپختونخوا میں جائیداد کے تنازعات پر فائرنگ، 5 افراد قتل
پشاور میں جائیداد کے تنازعات پر فائرنگ
پشاور (ڈیلی پاکستان آن لائن) خیبرپختونخوا میں جائیداد کے 2 مختلف تنازعات پر فائرنگ کے نتیجے میں 5 افراد زندگی کی بازی ہار گئے ہیں۔
یہ بھی پڑھیں: یومِ یکجہتیٔ کشمیر کو تفریح یا عام تعطیل کے طور پر پیش کرنا ناقابلِ قبول ہے، یہ صرف قومی جذبات کی توہین نہیں بلکہ کشمیری عوام کی لاکھوں قربانیوں کی کھلی بے حرمتی ہے، سردار عبدالقیوم نیازی
پہلا واقعہ: مردان میں گھریلو تنازع
پہلا واقعہ ضلع مردان کی تحصیل درگئی کے علاقے خرکی میں پیش آیا، جہاں گھریلو تنازع پر 2 فریقین میں فائرنگ کے نتیجے میں 3 افراد جاں بحق ہوئے۔ فائرنگ میں خاتون سمیت 3 افراد زخمی بھی ہوئے جنہیں طبی امداد کے لئے ہسپتال منتقل کردیا گیا۔
یہ بھی پڑھیں: بلاول بھٹو نے سموگ سے پریشان شہریوں کو دلچسپ مشورہ دے دیا
دوسرا واقعہ: بونیر کا جائیداد تنازع
ایکسپریس نیوز کے مطابق دوسرا واقعہ بونیر میں پیش آیا، جہاں تحصیل گاگرہ کی یونین کونسل موضع باجکٹہ میں جائیداد کے تنازع پر 2 فریقین کے درمیان فائرنگ میں 2 افراد جاں بحق ہوگئے۔ واقعے کے بعد ریسکیو حکام نے دونوں لاشوں کو ضابطے کی کارروائی کے لئے ڈسٹرکٹ ہیڈ کوارٹرز ہسپتال منتقل کیا۔ جہاں مقتولین کی شناخت عبدالوجی اور جمشید خان کے ناموں سے ہوئی۔
یہ بھی پڑھیں: چیف آف ڈیفنس فورسز کے نوٹیفکیشن کے بعد تمام قیاس آرائیاں دم توڑ گئیں، وزیر پیٹرولیم
پولیس کارروائی
دونوں علاقوں میں خونریزی کے بعد پولیس کی نفری نے موقع پر پہنچ کر شواہد اکھٹے کیے اور قانونی کارروائی شروع کردی ہے۔
جائیداد کے تنازعات پر قتل کی عکاسی
واضح رہے کہ خیبرپختونخوا میں جائیداد کے تنازعات پر قتل کوئی نئی بات نہیں ہے، ایک محتاط اندازے کے مطابق اب تک 100 سے زائد شہری ایسے واقعات میں قتل ہوچکے ہیں۔
