اسلام آباد میں گاڑیوں کا ڈیجیٹل کارڈز جاری کرنے کا فیصلہ

اسلام آباد میں ڈیجیٹل گاڑی کارڈ کا آغاز

اسلام آباد (ڈیلی پاکستان آن لائن) اسلامی آباد کے شہریوں کے لیے گاڑی کے کاغذات ساتھ رکھنے کی پریشانی ختم ہونے جا رہی ہے جب کہ اسلامی آباد میں گاڑیوں کے ڈیجیٹل کارڈز جاری کرنے کا فیصلہ کیا گیا ہے۔

یہ بھی پڑھیں: ہم دیر سے آئے مگر درست آئے‘‘سلمان اکرم راجہ اور جسٹس جمال مندوخیل کے درمیان مکالمہ

روایتی کارڈز کا خاتمہ

محکمہ ایکسائز نے روایتی کارڈز اور فائلوں سے جان چھڑالی۔ اب مالک کو گاڑی کے کاغذات یا کارڈ ساتھ رکھنے کی ضرورت نہیں، کیونکہ گاڑی کی ڈیجیٹل بک مالک کے موبائل والٹ میں محفوظ ہوگی۔

یہ بھی پڑھیں: شاہین آفریدی کا محمد رضوان کی کپتانی پر رد عمل

ڈیجیٹل بک کی خصوصیات

ٹریفک چالان کی تمام تفصیلات بھی ڈیجیٹل بک میں دستیاب ہوں گی۔ ڈیجیٹل کارڈز شہر کے ڈیجیٹل پارکنگ پلازوں سے منسلک ہوں گے۔ پیسے نہ ہوں تب بھی پارکنگ پلازہ میں بلاخوف گاڑی کھڑی کریں، کیونکہ پارکنگ پلازہ کی فیس بھی گاڑی کی ڈیجیٹل کارڈ سے ادا ہوگی۔

ڈائریکٹر ایکسائز کا بیان

ڈائریکٹر ایکسائز بلال اعظم نے بھی ڈیجیٹل کارڈ کی تصدیق کی اور کہا کہ اب اسلام آباد میں گاڑیوں کے ڈیجیٹل کارڈ ہی چلیں گے۔ گاڑیوں کی ٹرانسفر کا عمل بھی ڈیجیٹلائز کیا جا رہا ہے۔ گاڑی ٹرانسفر کے لیے بائیو میٹرک تصدیق گھر بیٹھے موبائل پر ہوگی۔