صرف 34 دنوں میں عوامی شکایات کا ازالہ ممکن بنا رہے ہیں : وفاقی ٹیکس محتسب ڈاکٹر آصف محمود جاہ کا ایڈوائزری کمیٹی کے اجلاس سے خطاب

اجلاس کی تفصیلات

لاہور (ڈیلی پاکستان آن لائن) وفاقی ٹیکس محتسب ڈاکٹر آصف محمود جاہ کی زیر صدارت ایڈوائزری کمیٹی کا اجلاس ہوا۔ اس موقع پر اظہار خیال کرتے ہوئے انہوں نے کہا کہ وفاقی ٹیکس محتسب نے گذشتہ 4 سال سے لوگوں کو ایف ٹی او کے بارے میں آگاہی دینے کی کوششیں جاری رکھی ہیں۔

یہ بھی پڑھیں: سال کا سب سے چھوٹا دن اور لمبی ترین رات آگئی

اعتماد اور عزت کا نتیجہ

وفاقی ٹیکس محتسب نے ٹیکس دہندگان کو اعتماد اور عزت دی، جس کے نتیجے میں گذشتہ سال کے اڑھائی ہزار کیسز کے مقابلے میں رواں سال کے پہلے 6 ماہ میں 23 ہزار شکایات موصول ہوئی ہیں۔ یہ اعداد و شمار وفاقی ٹیکس محتسب پر عوام کے بڑھتے اعتماد کا مظہر ہیں۔

یہ بھی پڑھیں: کراچی: ٹینکر ڈرائیور کی ٹریفک اہلکار کو اغوا کرنے کی کوشش، 3 پولیس اہلکار زخمی

ایف ٹی او کی خدمات

ایوان صنعت و تجارت میں منعقدہ اجلاس میں وفاقی ٹیکس محتسب کی کارکردگی پر بریفنگ دیتے ہوئے ڈاکٹر آصف محمود جاہ نے مزید کہا کہ ایف ٹی او نے لوگوں کو تیز اور سستا انصاف فراہم کیا ہے، جس کے نتیجے میں عوامی شکایات کا ازالہ صرف 34 دنوں میں ممکن ہو گیا ہے۔ حالیہ عرصے میں 22.79 بلین کی رقم ٹیکس دہندگان کو ریفنڈ کی گئی۔

یہ بھی پڑھیں: بھارت اور اسرائیل کو ہی نہیں ان کے سہولت کاروں کو بھی شکست ہوئی: خواجہ سعد رفیق

مشترکہ حکمت عملی کی ضرورت

ایڈوائزری کمیٹی کے اجلاس میں لاہور چیمبر آف کامرس کے صدر ابوذر شاد، سینئر صحافی و تجزیہ کار مجیب الرحمان شامی اور دیگر نے تاجروں اور حکومت کے درمیان اعتماد سازی کو فروغ دینے کے لیے جامع حکمت عملی کی اہمیت پر زور دیا۔ ڈاکٹر آصف محمود جاہ نے تمام اسٹیک ہولڈرز کی مشاورت سے وفاقی ٹیکس محتسب کے کردار کو مزید مؤثر بنانے کے عزم کا اظہار کیا۔

شرکاء کی فہرست

تقریب میں ڈی جی پیمرا اکرام برکت، لاہور ٹیکس بار کے صدر محمد آصف، مرزا کاشف انور، جاوید اقبال کارٹونسٹ، وفاقی ٹیکس محتسب کی ایڈوائزر عدیلہ رحمان، سمیرا نذیر اور دیگر نے بھی شرکت کی۔