میٹرک امتحانات؛ خیبرپختونخوا کے سرکاری سکولوں کے طلباء کی مایوس کن کارکردگی، کسی سکول کے آدھے تو کہیں سب طلباء فیل

پشاور میں عزم وفاداری

پشاور(ڈیلی پاکستان آن لائن) میٹرک امتحانات میں خیبرپختونخوا کے سرکاری سکولوں کے طلبا کی کارکردگی مایوس کن رہی۔ میٹرک امتحانات میں کسی سکول کے آدھے تو کہیں سب فیل ہو گئے، متعدد سکولوں میں پوری کلاس سے ایک یا دو طلبا پاس ہو سکے۔

یہ بھی پڑھیں: علی ایمبرائڈری ملز پنجاب جونیئر ٹینس، اسد اور ابو بکر نے ٹائٹل اپنے نام کر لیے

ناگفتہ بہ نتائج

نجی ٹی وی چینل ''دنیا نیوز'' کے مطابق دستاویز کے مطابق 29 سرکاری سکولوں کے 937 امیدواروں میں 151 کامیاب ہوئے۔ گورنمنٹ ہائر سکینڈری سکول بیوری چترال کے تمام طلباء فیل ہو گئے۔ گورنمنٹ مڈل سکول بیگشت چترال کے تمام 7 طلبا فیل ہو گئے، ہریانہ پانا میں سرکاری سکول کی تمام 18 طالبات فیل ہو گئیں۔ اسی طرح گورنمنٹ گرلز ہائی سکول دامن افغانی کی 35 میں سے 33 طالبات فیل ہو گئیں۔ چارسدہ کے سکول کی 13 طالبات میں صرف 2 کامیاب ہوئیں۔

یہ بھی پڑھیں: گواجرانوالہ میں پراپرٹی کے تنازع پر ملزمان نے 2 نوجوانوں کوگرم تیل کی کڑاہی میں پھینک دیا

فیل ہونے والے طلباء کی تعداد

دستاویز کے مطابق گورنمنٹ شہید ثاقب غنی سکول کے 102 میں سے 84 طلباء فیل ہو گئے۔ گورنمنٹ ہائر سکینڈری سکول حاجی بانڈہ کے 14 میں سے 13 طلباء فیل ہو گئے۔ ماشوگگر میں سکول کے 76 میں سے صرف 5 طلباء پاس ہوئے۔ چترال میں ایک سکول کے 6 میں سے صرف ایک طالب علم کامیاب ہوا۔