حالیہ مون سون میں بارشوں کے دوران ملک میں جاں بحق افراد کی تعداد 288 ہو گئی
این ڈی ایم اے کی رپورٹ
اسلام آباد (ڈیلی پاکستان آن لائن) نیشنل ڈیزاسٹر مینجمنٹ اتھارٹی (این ڈی ایم اے) نے حالیہ مون سون کے دوران ہونے والے جانی نقصانات کی تفصیلات جاری کردیں۔
یہ بھی پڑھیں: جے یو آئی کے مبینہ لاپتہ سینیٹر عبدالشکور پارلیمنٹ ہاؤس پہنچ گئے،کہاں غائب تھے؟صحافیوں کو بتا دیا
ملک بھر میں جانی نقصانات
نجی ٹی وی چینل جیو نیوز کے مطابق این ڈی ایم اے کا کہنا ہے کہ حالیہ مون سون میں بارشوں کے دوران ملک میں 690 افراد زخمی ہوئے۔ تفصیلات درج ذیل ہیں:
- پنجاب: 157 افراد جاں بحق، 549 زخمی
- خیبرپختونخوا: 64 افراد جاں بحق، 80 زخمی
- سندھ: 28 افراد جاں بحق، 40 زخمی
- بلوچستان: 20 افراد جاں بحق، 4 زخمی
- گلگت بلتستان: 9 افراد جاں بحق، 4 زخمی
- آزاد کشمیر: 2 افراد جاں بحق، 10 زخمی
یہ بھی پڑھیں: ٹرمپ ہر کام میں اپنا فائدہ دیکھتے ہیں ،منتخب ہونے کے بعد کن 3 ملکوں کے سربراہوں سے بات کی۔۔۔؟ حسین حقانی کھل کر بول پڑے
اسلام آباد میں حالات
این ڈی ایم اے کے مطابق حالیہ مون سون میں بارشوں کے دوران اسلام آباد میں 8 افراد جاں بحق اور 3 زخمی ہوئے۔
مجموعی نقصانات کی تفصیلات
حالیہ مون سون میں بارشوں کے باعث جاں بحق ہونے والوں میں 101 مرد، 51 خواتین اور 136 بچے شامل ہیں۔ بارشوں کے نتیجے میں 262 مرد، 197 خواتین اور 231 بچے زخمی ہوئے ہیں۔ رپورٹ کے مطابق، حالیہ مون سون میں اب تک 1567 مکانات کو نقصان پہنچا ہے، اور 372 مویشی بھی مر گئے ہیں۔
