جنوبی پنجاب کے 15 ہزار سے زائد نوجوانوں کی پی ایم وائی پی-لاہور قلندرز ٹرائلز میں بھرپور شرکت

کے پی کے کرکٹ ٹیلنٹ ہنٹ ٹرائلز

لاہور (ڈیلی پاکستان آن لائن) وزیراعظم یوتھ پروگرام اور لاہور قلندرز کے باہمی اشتراک سے جنوبی پنجاب میں چار روزہ کرکٹ ٹیلنٹ ہنٹ ٹرائلز کامیابی سے مکمل ہوگئے۔ بہاولپور اور ملتان میں دو، دو دن جاری رہنے والے ان ٹرائلز میں لڑکوں اور لڑکیوں سمیت 15,000 سے زائد نوجوان کرکٹرز نے شرکت کی اور پاکستان کی نمائندگی کا خواب آنکھوں میں سجائے میدان میں اترے۔

یہ بھی پڑھیں: حکومت کا بینکوں، ایکسچینج کمپنیوں کو کرپٹو آپریشن کے لیے لائسنس دینے کا فیصلہ

ٹرائلز کا مقصد

یہ ٹرائلز ہائر ایجوکیشن کمیشن کے تحت ٹیلنٹ ہنٹ یوتھ اسپورٹس لیگ کے بینر تلے کرائے گئے، جن کا مقصد دور دراز علاقوں سے ابھرتی ہوئی کرکٹ صلاحیتوں کو اجاگر کرنا تھا۔ ہر شہر سے 16 لڑکوں اور 16 لڑکیوں پر مشتمل ایک ایک ٹیم منتخب کی گئی۔اسلامیہ یونیورسٹی بہاولپور اور ملتان میں ہونے والے ان ٹرائلز میں لاہور قلندرز کے پروفیشنل کوچز نے نوجوانوں کی جسمانی فٹنس، کرکٹ اسکلز اور میچ آگاہی کو جانچا۔

یہ بھی پڑھیں: کارکنوں کو چن چن کر سزائیں دی جا رہی ہیں، کوئی تو ہے جو خوفزدہ ہے، علیمہ خان

لاہور قلندرز کا کردار

لاہور قلندرز کے سی ای او عاطف رانا نے وزیراعظم شہباز شریف، چیئرمین پی ایم وائی پی رانا مشہود احمد خان، اور پی ایم وائی پی ٹیم کے کردار کو سراہا اور ان ٹرائلز کو نوجوانوں کے لیے ایک روشن مستقبل کی نوید قرار دیا۔ بہاولپور اور ملتان کے نوجوانوں کا جذبہ لاجواب تھا، ہمیں خوشی ہے کہ ہمیں اس مشن کا حصہ بننے کا موقع ملا۔

اسلامیہ یونیورسٹی کی شراکت

عاطف رانا نے اسلامیہ یونیورسٹی بہاولپور کے وائس چانسلر پروفیسر ڈاکٹر محمد کامران کی میزبانی اور بہترین سہولیات پر بھی شکریہ ادا کیا، اور یونیورسٹی میں لاہور قلندرز ہائی پرفارمنس اکیڈمی کے قیام میں دلچسپی ظاہر کی۔ منتخب ہونے والے نوجوانوں نے بھی حکومت اور لاہور قلندرز کا شکریہ ادا کرتے ہوئے کہا کہ وہ سخت محنت کریں گے اور پاکستان کا نام روشن کریں گے۔