ڈی جی ایل ڈی اے کی نااہلی یا عدم دلچسپی؟ زرعی اراضی پر قائم غیر قانونی ہاؤسنگ سوسائٹیز کیخلاف آپریشن غیراعلانیہ بند، شہریوں کے اربوں روپے ڈوب گئے۔

لاہور میں غیر قانونی تعمیرات کا مسئلہ

لاہور(ویب ڈیسک)ڈی جی ایل ڈی اے کی نااہلی یا عدم دلچسپی کے باعث زرعی اراضی پر 600 غیر قانونی ہاؤسنگ سوسائٹیز کے خلاف ڈیڑھ سال سے کوئی آپریشن نہیں کیا گیا جس کی وجہ سے شہریوں کے اربوں روپے ڈوب گئے اور یہ سوسائٹیز اب بھی ڈھڑلے سے خریدوفروخت جاری رکھے ہوئے ہیں۔

یہ بھی پڑھیں: معلوم ہو گیا: دو ماہ سے غائب اڈیالہ جیل کے سابق ڈپٹی سپرنٹنڈنٹ محمد اکرم کا سراغ مل گیا

کارروائی کی عدم موجودگی

روزنامہ خبریں میں افضل سیال نے لکھا کہ ڈی جی ایل ڈی اے طاہر فاروق کی تعیناتی کے دوران غیر قانونی نجی ہاؤسنگ سوساٹیوں کے خلاف آپریشن غیر اعلانیہ بند کردیے گئے اور زرعی زمین پر سکیموں کے خلاف کارروائی روک دی گئی۔ زرعی اراضی پر غیر قانونی ہاؤسنگ سکیموں کے باعث شہر سے سبزہ غائب، گردونواح سے دودھ، تازہ سبزیوں کی سپلائی متاثر ہو چکی، شہر میں آلودگی پہلے نمبروں پر آ گئی، فضائی آلودگی میں اضافہ اور روایتی پرندے یہ علاقے چھوڑ کر سرسبز مقامات پر منتقل ہوگئے ہیں۔

یہ بھی پڑھیں: کراچی بار ایسوسی ایشن نے پریکٹس اینڈ پروسیجر ترمیمی آرڈیننس کے خلاف قرارداد منظور کی

لاہور میں غیر قانونی ہاؤسنگ سوسائٹیز کا جائزہ

رپورٹ کے مطابق لاہور میں 238، ننکانہ میں 43، شیخوپورہ 178، قصور میں 150 غیر قانونی نجی ہاؤسنگ سوسائٹیز ہیں جن کے خلاف کارروائی پر غیراعلانیہ پابندی عائد ہے۔ سرکاری اعدادوشمار کے حوالے سے بتایا گیا ہے کہ ایل ڈی اے افسران کی سرپرستی میں لاہور میں 238 نجی ہاؤسنگ سوسائیز غیر قانونی طور پر گرین لینڈ پر بنائے جانے کا انکشاف ہوا ہے۔ غیر قانونی ہاؤسنگ سوسائٹی مافیا ڈھرلے سے ایڈورٹائزنگ کرتے ہوئے پلاٹ فروخت کر رہے ہیں، جس سے شہریوں کو اربوں روپے کا چونا لگ رہا ہے۔

یہ بھی پڑھیں: سابق صدر نکسن کے سیکرٹری چک کالسن کو چند سال قید میں گزارنا پڑے، جو لوگ واٹر گیٹ سکینڈل میں ملوث تھے انہیں قانون کے مطابق سزائیں ہوئیں

جاری غیر قانونی سرگرمیاں

لاہور ڈویژن میں ایل ڈی اے ریکارڈ کے مطابق زرعی اور غیر منظوری تعمیر ہونے والی سوسائٹیوں میں شامل بسم اللہ ایونیو، فہد سٹی، پیراڈائز ہوم، الرحمٰن گارڈن فیز 4، مکی ٹاون، شاہین آرچرڈ، توحید پارک، الرحیم گارڈن، گرین ویو سٹی، باسط گارڈن، نیولاہور گارڈن، گارڈن سٹی الیاس پارک سمیت سینکڑوں غیر قانونی سوسائٹیز اب بھی پلاٹوں کی خرید و فروخت میں مصروف ہیں۔

آنے والے چیلنجز

اخبار کے مطابق ڈی جی ایل ڈی اے کی نااہلی کی وجہ سے لاہور میں گزشتہ ڈیڑھ سال میں غیر قانونی ہاؤسنگ سکیم میں چالیس فیصد اضافہ دیکھنے میں آیا ہے۔ ادھر ترجمان ایل ڈی اے نے بتایاکہ غیر قانونی سوساٹیز کو لیگل نہیں کیا جا سکتا، لاہور کا ماسٹر پلان عدالت نے معطل کر رکھا ہے اور اس وقت 2016 کا ماسٹر پلان نافذ ہے۔ گرین لینڈ پر بنائی جانے والی سینکڑوں ہاؤسنگ سوسائٹیز غیر قانونی ہیں اور ان کے خلاف کارروائیوں کے لیے اقدامات کیے جا رہے ہیں۔