سیکرٹری جنرل پاکستان تحریک انصاف سلمان اکرم راجہ کا ملک گیر تحریک چلانے کا اعلان

سلمان اکرم راجہ کا بیان

پشاور (ڈیلی پاکستان آن لائن) سیکرٹری جنرل پاکستان تحریک انصاف سلمان اکرم راجہ کا کہنا ہے بانی پی ٹی آئی جیل میں ثابت قدم ہیں۔ 5 اگست کو عمران خان کو جیل میں 2 سال مکمل ہو جائیں گے۔ ہم پر جھوٹے مقدمات بنائے جاتے ہیں۔

یہ بھی پڑھیں: 10 سالہ امریکی بچی نے 2 ڈگریاں حاصل کرلیں

عوام سے اپیل

میڈیا سے گفتگو کرتے ہوئے انہوں نے کہا کہ ہم اس ملک کے مخلص ہیں۔ عوام کی آواز کو سنیں۔ ہم عوام سے مطالبہ کرتے ہیں کہ ہمارا ساتھ دیں، ہم سب کو اکٹھے ہو کر اس ملک کو چلانا ہے۔ ہم ملک گیر تحریک چلائیں گے۔ یہ کسی ایک دن کا معاملہ نہیں۔ عوام سے اپیل ہے کہ وہ نکلیں اور آئین و جمہوریت کے لئے آواز اٹھائیں۔ پارٹی میں ورکرز کا پہلا حق ہے، پیسے کے زور پر کسی کو ٹکٹ نہیں ملنا چاہیے۔ مسئلہ یہ ہے کہ بانی پی ٹی آئی سے ہماری ملاقات کو مشکل بنادیا گیا ہے۔

سینیٹ انتخابات اور ٹکٹ کی تقسیم

سلمان اکرم راجہ نے مزید کہا کہ ہم کوشش کرتے ہیں کہ عمران خان کی طرف سے جو نام آئے ان کو ٹکٹ ملے۔ پولیٹکل کمیٹی نے فیصلہ کیا کہ 6 سیٹیں ملیں۔ کل سینیٹ کا الیکشن ہوا، مشعال یوسفزئی کا نام بھی بانی پی ٹی آئی نے دیا تھا۔