لاہور سے راولپنڈی جانے والی ٹرین حادثے کا شکار، 25 مسافر زخمی

حادثے کی تفصیلات

لاہور (ڈیلی پاکستان آن لائن) راولپنڈی جانیوالی اسلام آباد ایکسپریس ٹرین کالا شاہ کاکو کے قریب پٹڑی سے اتر گئی۔

یہ بھی پڑھیں: پاک بھارت کشیدگی، ترکی سے بڑی خبر آگئی

زخمیوں کی تعداد

ریلوے حکام کے مطابق یہ حادثہ کالا شاہ کاکو کے قریب پیش آیا، جہاں اسلام آباد ایکسپریس ٹرین کی 4 بوگیاں ٹرین سے الگ ہو کر پٹڑی سے اتر گئیں۔ اس حادثے میں 25 مسافر زخمی ہوئے۔ امدادی ٹیموں نے فوری طور پر موقع پر پہنچ کر ریسکیو آپریشن شروع کیا، زخمیوں کو طبی امداد فراہم کی جا رہی ہے جبکہ شدید زخمیوں کو ہسپتال منتقل کیا جا رہا ہے۔

وفاقی وزیر کا نوٹس

وفاقی وزیر ریلوے حنیف عباسی نے واقعے کا نوٹس لیتے ہوئے سی ای او ریلوے اور ڈی ایس ریلوے کو جائے حادثہ پر پہنچنے کی ہدایت کی ہے۔ وزیر ریلوے نے حادثے کی انکوائری کرنے اور 7 روز میں رپورٹ جمع کرانے کا حکم دیا ہے۔