ورلڈ چیمپین شپ آف لیجنڈز کے فائنل میچ میں جنوبی افریقہ چیمپینز نے پاکستان چیمپینز کو شکست دے دی

لیجنڈز لیگ کا فائنل

مانچسٹر(ڈیلی پاکستان آن لائن)لیجنڈز لیگ کے فائنل میں جنوبی افریقہ نے پاکستان کو 9 وکٹوں سے شکست دے کر ورلڈ چیمپئن شپ آف لیجنڈز 2025 کا ٹائٹل اپنے نام کرلیا۔ برمنگھم میں کھیلے گئے فائنل میچ میں، پاکستان چیمپئنز نے ٹاس جیت کر پہلے بیٹنگ کا فیصلہ کیا اور پہلے کھیلتے ہوئے مقررہ 20 اوور میں 5 وکٹ کے نقصان پر 195 رنز بنائے۔

یہ بھی پڑھیں: آکاش پٹیل: ٹرمپ کے “وفادار” بھارتی نژاد وکیل جن کی ایف بی آئی کے سربراہ کے طور پر نامزدگی پر سوالات اٹھ رہے ہیں

پاکستان کی کارکردگی

پاکستان کی جانب سے شرجیل خان نے 44 گیندوں پر 76 رنز کی شاندار اننگز کھیلی، جس میں 9 چوکے اور 4 چھکے شامل تھے۔ ان کے علاوہ شعیب ملک نے 25 گیندوں پر صرف 20 رنز بنائے۔ آصف علی نے 15 گیندوں پر 28 رنز بنائے، جن میں 1 چوکا اور 2 چھکے شامل تھے۔ عمر امین 19 گیندوں پر 36 رنز بنا کر ناٹ آؤٹ رہے۔ جنوبی افریقہ کی جانب سے ولجین اور وین پارنیل نے 2،2 وکٹیں حاصل کیں۔

جنوبی افریقہ کا کامیاب ہدف کا تعاقب

جنوبی افریقہ نے 196 رنز کا ہدف 17 ویں اوور میں صرف ایک وکٹ کے نقصان پر پورا کرلیا۔ اے بی ڈی ویلیئرز نے 60 گیندوں پر ناقابل شکست 120 رنز بنائے، جس میں 12 چوکے اور 7 چھکے شامل تھے۔ یہ ان کی اس ٹورنامنٹ کی تیسری سنچری تھی۔ جے پی ڈومنی 28 گیندوں پر 50 رنز بنا کر ناقابل شکست رہے، ان کی اننگ میں 4 چوکے اور 2 چھکے شامل تھے۔ جنوبی افریقہ کے واحد آؤٹ ہونے والے کھلاڑی ہاشم آملہ تھے جنہوں نے 14 گیندوں پر 18 رنز بنائے، انہیں سعید اجمل نے آؤٹ کیا۔