انگریز اور ہندو محمد علی جناحؒ کو اپنے مشن سے نہ ہٹا سکے، انگریز نے سازشی طرز کو تقسیم ہند کے وقت استعمال کیا، مسلمانوں کو بڑے نقصان اُٹھانے پڑے
مصنف : پروفیسر ڈاکٹر ایم اے صوفی
یہ بھی پڑھیں: پاک امریکی سربراہ ملاقات ختم، شہباز شریف وائٹ ہاؤس سے نیویارک روانہ ہو گئے، فیلڈ مارشل سید عاصم منیر بھی ہمراہ تھے
تقسیم ہند اور ماﺅنٹ بیٹن کی سازش
آل انڈیا مسلم لیگ کو ایک نڈر،دیانتدار اورمسلمانوں کے خیرخواہ لیڈر محمد علی جناحؒ کی قیادت حاصل تھی۔ جو کسی صورت میں نہ خریدا جاسکا نہ بک سکا۔ انگریز اورہندو محمد علی جناحؒ کو اپنے مشن سے نہ ہٹا سکے۔ مسلم قوم کی قیادت ان کی پہچان اور ترجمان ہوگئی۔ محمد علی جناحؒ کا سیاسی وقار اتنا بلند ہوگیا کہ اُس کی روشنی انگلستان کے محلّات تک جانے لگی۔ وہ دانا تھے۔ شناس منزل کو حقیقت تک لے گئے۔
یہ بھی پڑھیں: سندھ کے پانی اور وسائل کو لوٹا جارہا ہے، چولستان میں کینال بنانا ناانصافی ہے: لطیف پلیجو
ہندوستان میں مسلمانوں کا نقصان
تاہم انگریز نے بھی اپنی سازشی طرز کو اس طرح تقسیم ہند کے وقت استعمال کیاکہ ہندوستان کے مسلمانوں کو بڑے نقصان اُٹھانے پڑے۔ تاریخ گواہ ہے کہ اس قدر مالی وجانی نقصان اس طرزکا کسی ملک میں قتل وغارت نہیں ہوا جس طرح پنجاب کی تقسیم سے ہوا۔ لاکھوں کی تعداد میں لوگ بے رحمی سے قتل ہوئے، مہاجر ہوئے۔ اپنی املاک، اپنی زمین گھر کو چھوڑنے پر مجبور ہوئے۔ بے شمار نوجوان لڑکیاں اپنی عصمت کھو بیٹھیں۔
یہ بھی پڑھیں: الیکشن کمیشن تقرریوں کا معاملہ، سپیکر نے کمیٹی بنانے سے انکار کر دیا
پنجاب کی تقسیم کی سازش
ٹرانسفر آف پاور یا تقسیم پنجاب کی سازش نے پنجاب کے مسلمانوں کو بہت نقصان پہنچایا۔ پنجاب کے اُس وقت کے انگریزگورنر جنکن نے اپنا رویہ سازشیوں کے خلاف کھلا رکھا۔ تقسیم پنجاب سے ہندوﺅں،سکھوں کی نفرت مسلمانوں کے خلاف بڑھ گئی اور اس طرح فسادات پنجاب میں شروع ہوگئے۔ سکھ بھی مسلمانوں کے خلاف بھڑک اُٹھے۔
یہ بھی پڑھیں: خیبرپختونخوا کے 13 اضلاع میں 7 روز کے لئے دفعہ 144 نافذ
قائداعظم کی نگاہیں خطرات پر
قائداعظم محمد علی جناحؒ نے ماﺅنٹ بیٹن کو آگاہ کیا۔ اس پر جنکن گورنر نے پنجاب کے CIDکیپٹن ساویج(Savage) کو 15اگست1947ءکو لارڈ ماﺅنٹ بیٹن کے پاس رپورٹ کے ساتھ بھیجا۔ اس آفیسر نے پنجاب کے سارے حالات ماﺅنٹ بیٹن کوقائداعظم محمد علی جناحؒ، لیاقت علی خان ،سردار پٹیل کی موجودگی میں کھل کر بتائے کہ خطرناک سکھ لیڈر ماسٹر تارا سنگھ سکھ فوجیوں کے ذریعے ایک بھاری تعداد میں اسلحہ اکٹھا کررہا ہے۔
یہ بھی پڑھیں: وزیراعلیٰ کی گمشدگی: سپیکر خیبرپختونخوا اسمبلی نے ایڈووکیٹ جنرل کو طلب کیا
سکھ لیڈرز کی حراست کے مطالبات
قائداعظم محمد علی جناحؒ نے ماﺅنٹ بیٹن سے کہا کہ سکھوں کے سرکردہ لیڈرز کو حراست میں لیاجائے اور امن کے لئے ضروری اقدام کئے جائیں۔ سردار پٹیل نے جو میٹنگ میں موجود تھے، تاراسنگھ اور دیگر سرکردہ سکھ لیڈرز کی حراست کی مخالفت میں دلائل دیئے۔
یہ بھی پڑھیں: لیبیا کی مسلح افواج کے کمانڈر اِن چیف لیفٹیننٹ جنرل صدام خلیفہ حفتر کی آرمی چیف فیلڈ مارشل سید عاصم منیر سے ملاقات
سازشی منصوبے کی تکمیل
تاہم باﺅنڈری کمیشن کے اعلان کے وقت سکھ لیڈرز کو حراست میں لیا جائے گا۔ وائسرائے نے ایوارڈ کے اعلان کو خفیہ رکھا لیکن 14اگست کو اعلان متوقع تھا مگر یہ اعلان 15اگست کو کیا گیا۔ ماﺅنٹ بیٹن پنڈت جواہر لعل نہرو کے جال میں تھا۔
تاریخ کا بدترین قتل عام
لہٰذا وائسرائے ہند، سکھ لیڈراور کانگریسی لیڈرز میں اتفاق کی بدولت تاریخ میں سب سے بڑی خون کی ہولی کھیلی گئی اور لاکھوں کی تعداد میں انسان تڑپ تڑپ کر ہمیشہ کی نیند سو گئے۔ مسلمانوں کی املاک کو تباہ کیا گیا۔ عورتوں کی عصمت دری کی گئی اور لاکھوں بے سروسامانی کے عالم میں پاکستان آپہنچے۔
کتاب ’’مسلم لیگ اور تحریک پاکستان سے اقتباس‘‘
