وزیراعظم نے وفاق میں صحت سہولت کارڈ کو مستقل کرنے کے لیے کمیٹی بنا دی۔

وزیراعظم کا اہم فیصلہ

اسلام آباد (ڈیلی پاکستان آن لائن) وزیراعظم شہباز شریف نے وفاق میں صحت سہولت کارڈ کو مستقل کرنے کے لیے ایک اعلیٰ سطحی کمیٹی تشکیل دیتے ہوئے ایک ہفتے میں رپورٹ طلب کر لی۔

یہ بھی پڑھیں: پی ٹی آئی اور حکومت دونوں بات چیت کرنے کو تیار نہیں، مفتاح اسماعیل

کمیٹی کی تشکیل

سما ٹی وی کے مطابق ذرائع کا کہنا ہے کہ کمیٹی میں وفاقی وزراء احسن اقبال، مصطفیٰ کمال، سیکریٹری خزانہ، سیکریٹری منصوبہ بندی، سربراہ صحت کارڈ پروگرام محمد ارشد اور سی ای او اسٹیٹ لائف انشورنس شامل ہیں۔ یہ کمیٹی فیصلہ کرے گی کہ صحت کارڈ کے اخراجات جاری بجٹ سے پورے کیے جائیں یا ترقیاتی بجٹ سے فنڈز مختص کیے جائیں۔

یہ بھی پڑھیں: خلیجی ملکوں سے بیدخل پاکستانی بھکاریوں کے خلاف اب تک کا اہم ترین فیصلہ کر لیا گیا

صحت کارڈ کی یونیورسل کوریج

وفاق میں صحت کارڈ کی یونیورسل کوریج سے لاکھوں خاندان مستفید ہوں گے۔ اسلام آباد، آزاد کشمیر، گلگت بلتستان اور ضلع تھرپارکر کے شہری بھی وفاق کے صحت کارڈ پروگرام کا حصہ ہیں۔

صحت کارڈ کی کمیابی

یاد رہے کہ وفاقی دارالحکومت کے شہری کئی ماہ سے صحت کارڈ کی سہولت سے محروم ہیں۔