کراچی: ڈمپر نے بہن بھائی کو کچل دیا، والد زخمی، مشتعل شہریوں نے 7 ڈمپر جلا دیئے

کراچی میں ڈمپر حادثہ

کراچی(ڈیلی پاکستان آن لائن) کراچی میں ڈمپر چلتی پھرتی موت بن گئے۔ شہر قائد کے علاقے فیڈرل بی ایریا لکی ون شاپنگ مال کے قریب ڈمپر نے موٹر سائیکل سواروں کو کچل دیا۔

یہ بھی پڑھیں: فیلڈ مارشل جیسا پہلے کوئی لیڈر تھا نہ آج ہے اور نہ ہی آگے کوئی نظر آ رہا ہے، فیصل واوڈا

حادثے کے نتیجے میں نقصان

نجی ٹی وی چینل دنیا نیوز کے مطابق ریسکیو حکام کے مطابق حادثے میں شدید زخمی ہونے والے دونوں بہن بھائی ہسپتال منتقل کئے گئے مگر وہ جانبر نہ ہوسکے، جبکہ ڈمپر کی ٹکر سے والد زخمی ہوا۔

جاں بحق ہونے والی بہن اور بھائی کی شناخت 22 سالہ ماہ نور اور 14 سالہ احمد رضا جبکہ زخمی والد کی شناخت شاکر کے نام سے ہوئی ہے۔

یہ بھی پڑھیں: کسٹمز میں بڑے پیمانے پر بے ضابطگیوں اور ٹیکس چوری کا انکشاف، 100 ارب روپے کا نقصان

شہریوں کا شدید ردعمل

حادثے کے بعد شہری مشتعل ہوگئے اور 7 ڈمپروں کو آگ لگا دی۔ شہریوں نے موٹر سائیکل کو ٹکر مارنے والے ڈمپر ڈرائیور پر تشدد کے بعد اسے پولیس کے حوالے کر دیا۔

یہ بھی پڑھیں: حج کے خواہشمند 67 ہزار افراد کا معاملہ مزید لٹک گیا

پولیس اور رینجرز کی کارروائی

واقعے کی اطلاع ملتے ہی پولیس اور رینجرز کی بھاری نفری موقع پر پہنچ گئی ہے اور صورتِ حال پر قابو پانے کی کوشش کی۔ فائر بریگیڈ کی کئی گاڑیاں بھی طلب کی گئیں، جنہوں نے ڈمپرز میں لگی آگ کو بجھایا۔ پولیس نے ڈمپر جلانے کے الزام میں متعدد افراد کو بھی حراست میں لے لیا۔

یہ بھی پڑھیں: پیپلز پارٹی کی حکومت میں شمولیت کے حوالے سے خبروں کی واضح تردید

ڈمپر ڈرائیور ایسوسی ایشن کا احتجاج

دوسری جانب آگ لگانے کے خلاف ڈمپر ڈرائیور ایسوسی ایشن نے احتجاج کرتے ہوئے سپرہائی وئے سہراب گوٹھ سے سڑک ٹریفک کیلئے بند کر دی جس کی وجہ سے ٹریفک کی روانی شدید متاثر ہے۔ ڈمپر ڈرائیور ایسوسی ایشن نے نیشنل ہائی وے بھی بلاک کرنے کا اعلان کر دیا۔

یہ بھی پڑھیں: کینسر کے علاج کے لیے نئی تاریخ رقم، وزیراعلیٰ پنجاب نے میئو ہسپتال میں کوابلیشن سینٹر کا افتتاح کر دیا

عینی شاہدین کا بیان

صدر ڈمپر ایسوسی ایشن حاجی لیاقت محسود نے دعویٰ کیا کہ حادثہ ٹینکر کی ٹکر سے ہوا اور مشتعل افراد نے ڈمپر کو آگ لگا دی۔ 7 ڈمپرز جلانے کی ذمہ داری سندھ حکومت پر عائد ہوتی ہے۔