سابق بھارتی کپتان ویرات کوہلی اور روہت شرما کے ون ڈے کرکٹ سے بھی الگ ہونے کی خبریں پھر گرم
ویرات کوہلی اور روہت شرما کی ریٹائرمنٹ کی افواہیں
نئی دہلی (ڈیلی پاکستان آن لائن) سابق بھارتی کپتان ویرات کوہلی اور روہت شرما کے ون ڈے کرکٹ سے الگ ہونے کی خبریں پھر گرم ہو گئیں۔
یہ بھی پڑھیں: ہونڈا نے پاکستان میں اپنی نئی موٹر سائیکل ’سی جی 150‘ متعارف کروادی۔
ورلڈ کپ 2027 میں شرکت کا امکان
بھارتی میڈیا کے مطابق ویرات کوہلی اور روہت شرما کے آئی سی سی کرکٹ ورلڈکپ 2027 کھیلنے کا امکان نہیں، کوہلی اور روہت کی آسٹریلیا کے خلاف سیریز الوداعی ہو سکتی ہے۔
یہ بھی پڑھیں: سفارت خانہ پاکستان ابوظہبی میں پاکستانی مسیحی تارکین وطن کے ساتھ کرسمس کی تقریب کا انعقاد ، سٹاف اور مسیحی خاندانوں کی شرکت
نوجوان کھلاڑیوں کے لیے راستہ ہموار
بھارتی میڈیا کی خبر کے مطابق ویرات کوہلی ٹی ٹوئنٹی اور ٹیسٹ کرکٹ سے پہلے ہی ریٹائر ہو چکے ہیں، بھارتی کرکٹ بورڈ ٹیسٹ کی طرح اب ون ڈے ٹیم میں بھی نوجوان کھلاڑیوں کو دیکھنا چاہتا ہے۔ ورلڈ کپ تک کھیلنے کی خواہش پر دونوں کرکٹرز کو دسمبر میں وجے ہزارے ٹرافی کھیلنا ہوگی۔
سینئر کھلاڑیوں کی رخصتی کا امکان
سال کے آغاز میں ویرات کوہلی اور روہت شرما کو رانجی ٹرافی بھی کھیلنے کا کہا گیا تھا۔ ویرات اور روہت رانجی ٹرافی کھیلنے کے بعد ٹیسٹ کرکٹ سے بھی ریٹائر ہو گئے تھے۔ سلیکٹرز کے نوجوان کرکٹرز کے ارد گرد ٹیم رکھنے کی وجہ سے سینئر کرکٹرز الگ ہو سکتے ہیں۔ اگر کوہلی اور روہت خاموش رہے تو سمجھا جائے گا کہ وہ ریٹائرمنٹ لے رہے ہیں۔
