لاہوریوں کے لیے مریم نواز کا تحفہ، 13 اگست کو لبرٹی چوک میں میوزیکل کنسرٹ کا انعقاد

میوزکل کنسرٹ کا انعقاد

لاہور(ڈیلی پاکستان آن لائن) لاہور میں 13 اگست کی شام لیبرٹی چوک پر میوزکل کنسرٹ کے انعقاد کا فیصلہ کیا گیا ہے۔ اس پروگرام کی مہمان خصوصی وزیراعلیٰ پنجاب مریم نوازشریف ہوں گی۔

یہ بھی پڑھیں: شیخوپورہ، تقریب میں فائرنگ سے خواجہ سرہ زخمی

جشن آزادی کی تقاریب

تفصیلات کے مطابق جشن آزادی کے موقع پر لبرٹی چوک میں شاندار آتش بازی کا مظاہرہ کیا جائے گا۔ مرکزی پرچم کشائی کی تقریب 14 اگست کو حضوری باغ میں منعقد ہوگی، جہاں وزیراعلیٰ پنجاب مریم نواز پرچم کشائی کریں گی۔ پی ایچ اے کی جانب سے مینار پاکستان پر بھی آتش بازی کا اہتمام کیا جائے گا۔

یوم آزادی بائیک ریلی

محکمہ ماحولیات کے زیر اہتمام یوم آزادی اور معرکہ حق بائیک ریلی نکالی جائے گی۔ بائیک ریلی کے روٹ پر ٹریفک کی روانی اور سیکیورٹی کو یقینی بنایا جائے گا۔ ڈی سی لاہور نے کہا کہ یوم آزادی پاکستان کی تاریخ کا سب سے اہم دن ہے، اور اسے شایان شان طریقے سے منائیں گے۔