سعودی عرب میں خاتون نے اپنے شوہر کی دوسری بیمار بیوی کو اپنا 80 فیصد جگر عطیہ کر دیا

سعودی عرب میں محبت کی ایک نئی مثال

ریاض (ڈیلی پاکستان آن لائن) اسلامی دنیا کے اہم ترین ملک سعودی عرب میں ایک خاتون نے اپنے شوہر کی شدید بیمار دوسری بیوی کو اپنا 80 فیصد جگر عطیہ کرکے محبت کی نئی مثال قائم کردی۔

یہ بھی پڑھیں: لکھاری نہ ہوتے ہوئے بھی لکھنے بیٹھا، آنکھوں کے آنسو تھمنے کا نام نہیں لے رہے، ہماری حکومتیں اور عوام دیوالیہ ہونے کے خوف میں مبتلا ہیں

بیماری کی کہانی

سعودی عرب کے اخبار ’سعودی گزٹ‘ کے مطابق طائف کے شہری ماجد بلدہ الروقی کی ایک اہلیہ تغرید عوض السعدی کئی سال سے شدید علیل تھیں، ان کے گردے ناکارہ ہوچکے تھے جس وجہ سے ان کا جگر بھی شدید متاثر ہوا تھا۔

یہ بھی پڑھیں: ایک سال، کئی ریکارڈ: چیف منسٹر ٹریکٹر پروگرام کے تحت 10ہزار ٹریکٹر کاشتکاروں کو مل گئے، سکیم کا تیسرا فیز جنوری میں شروع ہوگا

درمان کے لئے سفر

سعودی شہری کی اہلیہ کئی سال سے ڈائلاسز پر تھی اور شوہر نے ان کے علاج کے لیے امریکا سے لے کر برطانیہ تک سفر کیا لیکن انہیں کوئی شفا نہیں ملی۔ مسلسل ڈائلاسز پر رہنے اور جگر کے شدید متاثر ہونے کے بعد سعودی شہری نے اپنی بیمار اہلیہ کو ایک گردہ عطیہ کرنے کا فیصلہ کیا اور انہوں نے اپنے ٹیسٹ مکمل کرواکر ڈاکٹرز سے رضامندی بھی ظاہر کردی۔

یہ بھی پڑھیں: چین میں مزید 100 پاکستانی زرعی ماہرین نے تربیتی پروگرام مکمل کر لیا

فیصلہ کرنے کا عمل

رپورٹ کے مطابق شوہر نے اپنا گردہ عطیہ کرنے سے قبل اپنے تمام پانچ بچوں اور دوسری اہلیہ نورا سالم الشمری کو بھی آگاہ کیا اور انہیں آپریشن کے وقت ہسپتال میں موجود رہنے کی ہدایت کی۔ سعودی شہری نے اپنی بیوی اور پانچوں بچوں کو آگاہ کیا تھا کہ گردہ عطیہ کرنے کے دوران کسی طرح کی بھی پیچیدگی ہو سکتی ہے، اس کے لیے پورا خاندان تیار رہے۔

یہ بھی پڑھیں: امریکہ اور اسرائیل کا ایران میں یتیم خانے پر حملہ

دلچسپ موڑ

سعودی شہری کی جانب سے دوسری بیوی اور بچوں کے ہمراہ ہسپتال پہنچنے کے بعد ان کی صحت مند بیوی نے اپنی سوکن کو جگر عطیہ کرنے کی رضامندی ظاہر کرکے شوہر اور بچوں کو حیران کردیا۔ سعودی شہری کی صحت مند بیوی نے ان کی بیمار بیوی کو 80 فیصد جگر کا عطیہ دینے کی رضامندی ظاہر کی، جس کے بعد ڈاکٹرز نے ان کے ضروری ٹیسٹ کرکے آپریشن کردیا۔

یہ بھی پڑھیں: سپیکر ایاز صادق کی خالدہ ضیاء کے بیٹے طارق رحمان اور بیٹی سمیت اہم بنگلہ شخصیات سے ملاقاتیں

آپریشن کی کامیابی

رپورٹ کے مطابق جگر عطیہ کرنے کا آپریشن کامیاب گیا اور دونوں خواتین کی حالت خطرے سے باہر تھی، تاہم یہ واضح نہ ہوسکا کہ شوہر نے بھی اپنی بیمار بیوی کو گردہ عطیہ کیا یا نہیں؟