اسلام آباد میں مقامی سطح پر 13 اگست کو عام تعطیل کا اعلان

اسلام آباد میں عام تعطیل کا اعلان

اسلام آباد (ڈیلی پاکستان آن لائن) میں مقامی سطح پر کل عام تعطیل کا اعلان کر دیا گیا ہے۔

یہ بھی پڑھیں: ہمارے والد تنہائی، اندھیرے اور ظلم کا شکار ہیں لیکن کوئی ڈیل نہیں کریں گے” عمران خان کے بیٹوں کا انٹرویو

یوم آزادی کی تعطیلات

نجی ٹی وی چینل ہم نیوز کے مطابق یوم آزادی کے سلسلے میں وفاقی دارالحکومت میں 13 اگست کو بھی چھٹی کا اعلان کر دیا گیا ہے۔

یہ بھی پڑھیں: لیہ: عدالت پیشی پر آئے دو گروپوں میں جھگڑا، ایک شخص قتل، 2 زخمی

بند رہنے والے ادارے

اب اسلام آباد میں تمام نجی و سرکاری ادارے 13 اور 14 اگست کو بند رہیں گے، جس کے نتیجے میں وفاقی دارالحکومت کے باسی دو چھٹیوں سے مستفید ہوں گے۔ اسلام آباد انتظامیہ کی جانب سے کل بروز بدھ 13 اگست کو مقامی سطح پر تعطیل کا نوٹیفکیشن بھی جاری کر دیا گیا ہے۔

نوٹیفکیشن کی تفصیلات

ڈسٹرکٹ مجسٹریٹ عرفان نواز میمن کی جانب سے جاری نوٹیفکیشن کے مطابق 13 اگست کو اسلام آباد کے ریونیو حدود میں چھٹی ہوگی۔ تاہم، اس دوران اسلام آباد کے اہم ادارے اپنی خدمات جاری رکھیں گے جن میں میٹروپولیٹن کارپوریشن اسلام آباد (MCI)، سی ڈی اے، آئی سی ٹی ایڈمنسٹریشن، پولیس، آئیسکو، سوئی گیس اور ہسپتال شامل ہیں۔