لیسکو میں بہترین کارکردگی دکھانے والے افسران کے اعزاز میں تقریب، اہم شخصیات کی شرکت اور خطاب
لیسکو کی شاندار تقریب کا انعقاد
لاہور (ڈیلی پاکستان آن لائن) ایکسپو سنٹر لاہور میں لیسکو کے بہترین کارکردگی دکھانے والے افسران و ملازمین کے اعزاز میں ایک شاندار تقریب منعقد ہوئی۔ یہ تقریب وزیرِاعظم پاکستان میاں محمد شہباز شریف کے وژن، وفاقی وزیر توانائی سردار اویس احمد خان لغاری کی ہدایات اور ڈسکوز سپورٹ یونٹ کی رہنمائی میں مالی سال 25-2024 کے دوران شاندار کارکردگی کے اعتراف میں منعقد کی گئی۔
یہ بھی پڑھیں: لارنس بشنوئی گینگ کی ایک اور بھارتی سیاستدان کو جان سے مارنے کی دھمکی
تقریب کے مہمانِ خصوصی
تقریب کے مہمانِ خصوصی چیئرمین بورڈ آف ڈائریکٹرز لیسکو عامر ضیاء اور چیف ایگزیکٹو لیسکو انجینئر محمد رمضان بٹ تھے، جنہوں نے معزز مہمانان، افسران اور ملازمین میں شیلڈز اور سرٹیفکیٹس تقسیم کیے۔
یہ بھی پڑھیں: سیاسی اختلافات ہو سکتے ہیں لیکن وطن کی حفاظت کیلیے ہم یکجا ہیں: مولانا فضل الرحمٰن
اعزازی شیلڈز کی پیشکش
تقریب میں معزز مہمانانِ گرامی کو اعزازی شیلڈز پیش کی گئیں جن میں احتشام خٹک (پراجیکٹ اینالسٹ اے ڈی بی)، افشاں سعید (کنسلٹنٹ اے ڈی بی)، بریگیڈیئر سید نیر عباس (سیکٹر کمانڈر رینجرز)، بلال صدیق کمیانہ (سی سی پی او لاہور)، اور لیسکو بورڈ کے ممبران طاہر بشارت چیمہ، محمد خالد خان اور رانا عبیداللہ انور شامل ہیں۔
یہ بھی پڑھیں: کراچی میں نوجوان پر تشدد، ایک اور ملزم گرفتار، تعداد چار ہوگئی
لیسکو کی حکمت عملی اور دیکھنے کے مقاصد
تقریب سے خطاب کرتے ہوئے محمد خالد خان (جوائنٹ سیکرٹری پاور ڈویژن) نے کہا کہ لیسکو کا مقصد شفاف، مستحکم اور صارف دوست توانائی نظام کا فروغ ہے۔ یہ ایوارڈز نہ صرف اعزاز ہیں بلکہ ذمہ داری کا احساس بھی دلاتے ہیں کہ ہم سب مل کر لیسکو کو مزید بہتر بنانے میں اپنا کردار ادا کریں۔
یہ بھی پڑھیں: عالیہ بھٹ کا اچانک بریک لینے کا اعلان، مداح حیران
ایوارڈز کا مقصد اور اہمیت
چیئرمین بورڈ آف ڈائریکٹرز لیسکو عامر ضیاء نے اپنے خطاب کے دوران کہا کہ وزیرِاعظم شہباز شریف کے وژن اور وفاقی وزیر توانائی سردار اویس احمد خان لغاری کی ہدایات کی روشنی میں لیسکو کے افسران و ملازمین نے اپنی محنت، پیشہ ورانہ مہارت اور لگن سے ادارے کی کارکردگی میں نمایاں بہتری پیدا کی ہے۔ یہ ایوارڈز ان کی خدمات کا اعتراف اور حوصلہ افزائی ہیں۔
یہ بھی پڑھیں: مستونگ میں پولیس ٹرک کے قریب دھماکا، 3 اہلکار شہید 2 زخمی
چیف ایگزیکٹو کا بیان
چیف ایگزیکٹو لیسکو انجینئر محمد رمضان بٹ نے تقریب سے خطاب کرتے ہوئے کہا کہ لیسکو ہماری ماں ہے۔ لیسکو کی کامیابی کا راز ٹیم ورک اور محنت میں پوشیدہ ہے۔ لائن سٹاف ادارے میں ریڑھ کی ہڈی کی حیثیت رکھتا ہے۔ ہمارا مقصد ایک شفاف، مستحکم اور صارف دوست توانائی نظام کو فروغ دینا ہے۔
یہ بھی پڑھیں: کامران ٹیسوری کا اداکارہ حمیرا اصغر کی تدفین کا اعلان، جنازہ گورنر ہاؤس میں ہوگا
لیسکو کی خدمات کی تعریف
لیسکو بورڈ ممبر طاہر بشارت چیمہ نے اپنے خطاب میں کہا کہ لیسکو کا ہر شعبہ ملک کی ترقی اور عوام کی خدمت میں اہم کردار ادا کر رہا ہے، اور ایسی تقریبات ملازمین میں خدمت کا جذبہ مزید بڑھاتی ہیں۔
شرکت کرنے والے افراد
تقریب میں میڈیا نمائندگان اور لیسکو کے مختلف شعبہ جات سے تعلق رکھنے والے اعلیٰ افسران و ملازمین نے بھی بھرپور شرکت کی۔
