بھارت پاکستان کی وائٹ ہاؤس میں پذیرائی سے ناراض، امریکہ فیلڈ مارشل عاصم منیر کو خطے میں سٹریٹجک ثالث کے طور پر دیکھ رہا ہے: فنانشل ٹائمز

برطانوی اخبار کی رپورٹ

لندن (ڈیلی پاکستان آن لائن) برطانوی اخبار ’’فنانشل ٹائمز‘‘ نے فیلڈ مارشل سید عاصم منیر کے حالیہ دورۂ امریکہ سے متعلق رپورٹ جاری کردی۔

یہ بھی پڑھیں: آرمی چیف ایک ذمہ دار فیصلہ کرنے والے ہیں، سابق نگران وزیر اعظم انوار الحق کاکڑ کا دعویٰ

استقبال اور تقریب کی تفصیلات

فنانشل ٹائمز نے اپنی رپورٹ میں بتایا کہ امریکہ میں فیلڈ مارشل سید عاصم منیر کا استقبال کیا گیا۔ فیلڈ مارشل سید عاصم منیر نے جنرل مائیکل کوریلا کی ریٹائرمنٹ پر فلوریڈا میں منعقد ہونے والی تقریب میں شرکت کی۔

یہ بھی پڑھیں: اعجاز چودھری، احمد خان بھچر، احمد چٹھہ نااہل قرار، الیکشن کمیشن نے تینوں نشستیں خالی قرار دے دیں

امریکی صدر سے ملاقات

’’جیو نیوز‘‘ کے مطابق رپورٹ میں بتایا گیا کہ اس سے قبل فیلڈ مارشل سید عاصم منیر کی امریکی صدر ڈونلڈ ٹرمپ سے ملاقات ہوئی۔ فیلڈ مارشل سید عاصم منیر کے دورۂ امریکہ کے بعد پاک، امریکہ تعلقات میں غیر متوقع پیش رفت آئی ہے اور امریکہ فیلڈ مارشل عاصم منیر کو خطے میں سٹریٹجک ثالث کے طور پر دیکھ رہا ہے۔ امریکی صدر نے پاکستان کے تیل کے ذخائر کی ترقی کے لیے معاہدے کا وعدہ کیا اور پاکستان نے امریکہ کو خاص طور پر توانائی، معدنیات اور کرپٹو میں سرمایہ کاری کے نئے مواقع دیئے۔

یہ بھی پڑھیں: زمین سے ملنے والے 20 ڈالر نے شہری کی زندگی بدل دی

بھارت کی ناپسندیدگی

فنانشل ٹائمز نے رپورٹ میں یہ بھی کہا کہ بھارت پاکستان کی وائٹ ہاؤس میں پذیرائی سے ناراض ہے۔ مودی اور ٹرمپ کے درمیان کشیدگی کی اطلاع ہے جبکہ پاکستان نے جنگ بندی کے سہولت کار کے طور پر امریکی صدر کو پیش کیا۔ بھارت کے مقابلے میں پاکستان پر امریکی تجارتی ٹیکس 19 فیصد جبکہ بھارت پر 50 فیصد سخت ٹیکس عائد کیے گئے۔

یہ بھی پڑھیں: ریلیف کی طرح بحالی کا کام بھی جنگی بنیادوں پر مکمل کیاجائے گا۔ مظفر گڑھ کے ارکان اسمبلی کی پریس کانفرنس

پاکستان کے بین الاقوامی تعلقات

فنانشل ٹائمز نے بتایاکہ پاکستان نے امریکہ، چین، ایران، خلیجی ممالک اور روس کے ساتھ بیک وقت تعلقات قائم رکھے اور پاکستان نے داعش کے ایک اعلیٰ دہشت گرد کی گرفتاری میں بھی اہم کردار ادا کیا۔

نئے معاہدے اور تجارت

رپورٹ کے مطابق پاکستان نے ’’ورلڈ لبرٹی فنانشل‘‘ کے ساتھ کرپٹو ٹوکنز کے لیے مفاہمتی یادداشت پر دستخط کیے جبکہ کرپٹو اور بلاک چین کے وزیر بلال بن ثاقب نے واشنگٹن میں تجارتی بات چیت میں حصہ لیا۔ ایشیا پیسیفک فاؤنڈیشن کے سینئر فیلو مائیکل کوگل مین کے مطابق امریکہ اور پاکستان کے تعلقات میں جو کچھ ہو رہا ہے وہ حیران کن ہے۔