نالہ ڈیک سیالکوٹ میں پانی کا ریلہ، ہنجلی پل متاثر، ٹریفک کے لیے بند، جلد مرمت مکمل کر لی جائے گی: پی ڈی ایم اے

نالہ ڈیک سیالکوٹ میں پانی کا ریلہ

لاہور (ڈیلی پاکستان آن لائن) نالہ ڈیک سیالکوٹ میں 22 ہزار کیوسک سے زائد پانی کا ریلہ گزرنے کے باعث ہنجلی پل متاثر ہوا ہے۔

یہ بھی پڑھیں: لاہور: غلط انجکشن لگنے سے دس ماہ کی بچی جاں بحق

ڈی جی پی ڈی ایم اے کا بیان

ڈی جی پی ڈی ایم اے عرفان علی کاٹھیا نے سیکرٹری سی اینڈ ڈبلیو، پراونشل ہائی وے ڈیپارٹمنٹ اور دیگر حکام سے رابطہ کیا۔ انہوں نے بتایا کہ سی اینڈ ڈبلیو اور دیگر ضلعی افسران فیلڈ میں موجود ہیں۔ ہنجلی پل کی تعمیر 1980 میں مکمل ہوئی جس کی لمبائی 720 فٹ ہے۔ پیشگی الرٹ کے باعث ہنجلی پل کے متاثر ہونے سے کوئی جانی و مالی نقصان نہیں ہوا۔

پل کی بندش اور مرمت

ضلعی انتظامیہ کی جانب سے پل کو ہر قسم کی ٹریفک کے لیے بند کر دیا گیا ہے۔ متاثرہ حصے کی جلد از جلد مرمت مکمل کر لی جائے گی۔ ایمرجنسی صورتحال سے نمٹنے کے لیے ریسکیو ٹیمیں موقع پر موجود ہیں۔