راشد لطیف خان یونیورسٹی میں جشنِ آزادی کی تقاریب، پاکستان کی 78 ویں سالگرہ کا کیک بھی کاٹا گیا

شاندار تقاریب کا انعقاد

لاہور (ڈیلی پاکستان آن لائن) راشد لطیف خان یونیورسٹی لاہور میں پاکستان کے یومِ آزادی کی مناسبت سے شاندار تقاریب کا انعقاد کیا گیا۔ پاکستان کی 78ویں سالگرہ کا کیک کاٹا گیا، جبکہ طلباء و طالبات نے ملی نغمے گا کر وطن سے محبت کا اظہار کیا۔

یہ بھی پڑھیں: پی ٹی آئی کے مرکزی سیکریٹری جنرل شیخ وقاص اکرم کے گھر پر پولیس کا چھاپہ

تقریبات کی تفصیلات

آر ایل کے یو لاہور میں پاکستان کے 78ویں یومِ آزادی کی مناسبت سے شاندار اور رنگا رنگ تقاریب کا انعقاد کیا گیا۔ مرکزی تقریب آڈیٹوریم میں منعقد ہوئی۔ تقریب کا آغاز تلاوتِ کلامِ پاک سے ہوا، جس کے بعد قومی ترانہ پڑھا گیا۔ طلباء و طالبات نے ملی نغمے گائے اور جشنِ آزادی کے موضوع پر تقاریر پیش کیں۔ اس موقع پر وطن کی تاریخ اور قربانیوں کو اجاگر کرنے والی شارٹ فلمز اور ڈاکیومینٹریز بھی دکھائی گئیں۔

کیک کاٹنے کی تقریب

ایک اور تقریب میں پاکستان کے 78 ویں یومِ آزادی کا کیک کاٹا گیا۔ آر ایل کے یو کی ڈائریکٹر مارکیٹنگ زلیخا خان نے ڈینز، ہیڈز آف ڈیپارٹمنٹس کے ہمراہ آزادی کا کیک کاٹا۔ ان تقاریب میں پرو وائس چانسلر پروفیسر ڈاکٹر رخسانہ کوثر، رجسٹرار ڈاکٹر محمد خالد خان، ڈینز، ہیڈز آف ڈیپارٹمنٹس، اساتذہ کرام اور طلباء و طالبات نے بھرپور شرکت کی۔ شرکاء نے آزادی کی اہمیت پر روشنی ڈالی اور وطنِ عزیز کی ترقی، خوشحالی اور استحکام کے لیے خصوصی دعائیں کیں。