کوئی پاکستانی طیارہ نہیں گرا…فیک نیوز واچ ڈاگ نے بھارت کا طیارہ گرانے کا دعویٰ سیاسی بیان قرار دیدیا

تحقیقات سے پردہ اٹھتا ہے

لاہور (ڈیلی پاکستان آن لائن) فیک نیوز واچ ڈاگ کی تحقیقاتی رپورٹ نے بھارتی ایئر فورس چیف کے بیان کی حقیقت کھول کر رکھ دی۔ رپورٹ میں کہا گیا کہ آپریشن سندور کے دوران 6 پاکستانی طیارے گرانے کا دعویٰ محض سیاسی بیان بازی ہے۔

یہ بھی پڑھیں: وہ مسلم ملک جو ترکی اور اسرائیل میں خاموشی سے سفارتکاری کر رہا ہے۔

جعلی تصاویر کا انکشاف

سما ٹی وی کے مطابق فیک نیوز واچ ڈاگ کی تحقیقاتی رپورٹ میں بھارتی تصاویر جعلی اور ناقص قرار دی گئی ہیں۔ رپورٹ میں کہا گیا ہے کہ کوئی پاکستانی طیارہ نہیں گرا اور سربراہ بھارتی فضائیہ کا بیان محض سیاسی بیان بازی ہے۔ امریکی دفاعی ماہرین نے بھی بھارتی دعویٰ کو تسلیم نہیں کیا جبکہ چین کے دفاعی تجزیہ کار نے بھارتی بیان کو مزاحیہ قرار دیا ہے۔

ماہرین کی رائے

ماہرین دفاعی امور کے مطابق بھارتی دعوے میں ثبوتوں کا شدید فقدان ہے۔ بھارتی فضائیہ کے پالیسی بیان میں آپریشن سندور میں پاکستانی طیارے گرنے کا ذکر تک نہیں ہے۔ بھارتی اعلان اندرونی سیاسی بحران سے توجہ ہٹانے کی ناکام کوشش ہے جس سے خطے میں کشیدگی میں اضافہ ہوا ہے۔