کراچی میں ایس ایس پی کے گھر ڈکیتی

ڈکیتی کی واردات

کراچی (ڈیلی پاکستان آن لائن) ڈیفنس میں ڈاکو اہلخانہ کو یرغمال بنا کر ایس ایس پی کے گھر کا صفایا کرگئے۔

یہ بھی پڑھیں: علی امین گنڈاپور نے وزیر داخلہ محسن نقوی سے ہاتھ خوشی کے ساتھ نہیں ملایا، وزیر اعلیٰ خیبر پختونخوا کے ترجمان کا بیان

واقعہ کی تفصیلات

نجی ٹی وی اے آر وائی نیوز کے مطابق، ایس ایس پی توحید الرحمان میمن کے ڈیفنس میں گھر پر ڈکیتی کی واردات ہوئی۔ ملزمان نے ایس ایس پی کے اہلخانہ کو یرغمال بنا کر لوٹ مار کی۔

یہ بھی پڑھیں: بانی پی ٹی آئی اور بشریٰ بی بی کی عبوری ضمانتوں میں 7دسمبر تک توسیع

چوری کی مالیت

پولیس حکام کا کہنا ہے کہ ملزمان 90 لاکھ روپے مالیت کے ڈالرز، 10 لاکھ پاکستانی روپے، ایک کروڑ 10 لاکھ روپے کے زیورات اور فونز لے گئے۔ واردات کے وقت گن مین سرکاری رائفل تکیے کے نیچے رکھ کر سو رہا تھا۔

کارروائی اور تفتیش

تفتیشی حکام کا کہنا ہے کہ بنگلے میں تعینات کانسٹیبل فیصل الطاف کی مدعیت میں مقدمہ درج کرلیا گیا ہے۔ وزیرِ داخلہ سندھ ضیاء الحسن لنجار نے ڈاکوؤں کی فوری گرفتاری کا حکم دے دیا۔