لاہور میں کم سن بچیوں کو ہراساں کرنے والا رکشہ ڈرائیور اہل علاقہ نے دھر لیا

گڑھی شاہو پولیس کی کاروائی

لاہور (ڈیلی پاکستان آن لائن) گڑھی شاہو پولیس نے بچیوں کو ہراساں کرنے والے رکشہ ڈرائیور کو گرفتار کرلیا۔ ملزم 8 سالہ حرا اور 7 سالہ آیت کے ساتھ محلے میں نازیبا حرکات کرتے ہوئے رنگے ہاتھوں پکڑا گیا، جس کے بعد اہل علاقہ نے اسے پولیس کے حوالے کیا۔

یہ بھی پڑھیں: صدرِ مملکت نے اینٹی ڈمپنگ ڈیوٹیز ترمیمی بل 2025ء کی منظوری دے دی

موقع پر ہونے والا واقعہ

ایکسپریس نیوز کے مطابق ایس پی سول لائنز چوہدری اثر علی نے بتایا کہ رکشہ ڈرائیور فرخ شہزاد روزانہ گلی میں آکر بچیوں کو گندے اشارے کرتا اور اپنے پاس بلاتا تھا۔ ملزم نے 8 سالہ حرا کا ہاتھ پکڑ کر رکشے میں بٹھانے کی کوشش کی، جس پر بچیوں نے شور مچا دیا۔

پولیس کی کاروائی

محلے داروں نے رکشہ ڈرائیور کو نازیبا حرکات کرتے دیکھ کر فوراً قابو میں کرلیا اور 15 پر فون کرکے پولیس کو اطلاع دی، جس پر پولیس بروقت موقع پر پہنچ گئی۔ ملزم کے خلاف بچیوں کے والدین کی مدعیت میں مقدمہ درج کرلیا گیا ہے۔