کسی بھی سرکاری ادارے کی جانب سے کوئی باضابطہ نوٹس موصول نہیں ہوا ، فیشن ڈیزائنر ماریہ بی

ماریہ بی کا وضاحتی بیان

لاہور (ڈیلی پاکستان آن لائن) معروف فیشن ڈیزائنر ماریہ بی نے واضح کیا ہے کہ انہیں نیشنل سائبر کرائم انویسٹی گیشن ایجنسی (این سی سی آئی اے) کی جانب سے کوئی نوٹس نہیں ملا۔ ان کے خلاف پھیلائی جانے والی خبریں غلط ہیں۔

یہ بھی پڑھیں: مالی حالات سے تنگ ایوارڈ یافتہ معروف بھارتی ہدایتکار پنکھے سے جھول گیا

انسٹاگرام پر وضاحت

ماریہ بی نے انسٹاگرام پر ایک ویڈیو شیئر کرتے ہوئے بتایا کہ انہیں کسی بھی سرکاری ادارے کی جانب سے باضابطہ نوٹس نہیں ملا اور سوشل میڈیا پر گردش کرنے والا مبینہ نوٹس جعلی ہو سکتا ہے۔

یہ بھی پڑھیں: وائس چیئرپرسن، پنجاب سوشل پروٹیکشن اتھارٹی جہاں آراء منظور وٹو واشنگٹن روانہ، گلوبل فورم آن کولیشنز فار ریفارمز میں پاکستان کی نمائندگی کریں گی

تشویش کا اظہار

انہوں نے یہ بھی کہا کہ یہ تشویشناک ہے کہ ایک سرکاری خط کا مواد عوامی طور پر منظر عام پر لایا گیا، اس سے پہلے کہ یہ ان تک پہنچے۔

یہ بھی پڑھیں: بیٹی کے ساتھ جو ہوا اس کا حساب اللہ لے گا، حمیرا اصغر کے والد کی میڈیا سے گفتگو

موقف کا دفاع

ماریہ بی نے مزید کہا کہ اگر انہیں باضابطہ نوٹس ملا تو وہ مناسب جواب دیں گی اور حکام کے سامنے پیش ہوں گی، اور ٹرانس جینڈرز کے حوالے سے اپنا موقف رکھیں گی۔ انہوں نے کہا کہ وہ ہمیشہ ٹرانس جینڈرز کے خلاف رہی ہیں اور پاکستانی سماج میں قوم لوط کے رواج کو پنپنے نہیں دیں گی۔

یہ بھی پڑھیں: صوبہ دہشتگردوں کے حوالے کرنے والی حکومت کی اے پی سی میں شرکت کیوں کریں؟ گورنر خیبرپختونخوا

شرعی موقف

فیشن ڈیزائنر کا کہنا تھا کہ مذہب اسلام نے ایسے رواج کو حرام قرار دیا ہے اور شریعت کورٹ بھی ٹرانس جینڈرز ایکٹ کو مذہب اسلام کے خلاف قرار دے چکی ہے۔ کچھ لوگ انہیں نوٹسز کی دھمکیاں دے کر ڈرانے کی کوشش کرتے ہیں، لیکن وہ ڈرنے والی نہیں ہیں۔

حالیہ خبریں

ماریہ بی کی جانب سے وضاحتی بیان جاری کرنے سے چند روز قبل خبر سامنے آئی تھی کہ این سی سی آئی اے نے ماریہ بی کو ٹرانس جینڈر کمیونٹی کے خلاف نامناسب بیانات دینے پر نوٹس جاری کردیا اور ان کے خلاف تفتیش شروع کر دی۔