توشہ خانہ ٹو کیس: وکلا اور فیملی ممبران کو سماعت میں آنے کی اجازت

اہم پیش رفت: توشہ خانہ ٹو کیس

اسلام آباد(ڈیلی پاکستان آن لائن) بانی پی ٹی آئی اور بشریٰ بی بی کے خلاف توشہ خانہ ٹو کیس میں اہم پیش رفت سامنے آگئی، اڈیالہ جیل میں گزشتہ سماعت کا تحریری حکم نامہ جاری کر دیا گیا۔

یہ بھی پڑھیں: ادلے کا بدلہ: چالان کرنے پر لیسکو اہلکار نے وارڈن کی بجلی کاٹ دی

عدالتی حکم

نجی ٹی وی چینل دنیا نیوز کے مطابق سپیشل جج سینٹرل شاہ رخ ارجمند نے تحریری حکم جاری کیا جس میں سپرنٹنڈنٹ جیل کو ہدایت دی گئی کہ وکلا اور فیملی ممبران کو سماعت میں آنے کی اجازت دی جائے۔

یہ بھی پڑھیں: ارشد ندیم نے بھارتی حریف نیرج چوپڑا اور پاک بھارت جنگ سے متعلق بات کرنے سے انکار کردیا

وکلا اور فیملی ممبران کی شرکت

عدالتی حکم کے مطابق جن وکلا کے وکالت نامے جمع ہیں، سپرنٹنڈنٹ جیل ان کو جیل میں داخلے کی اجازت دیں، جیل کے باہر موجود فیملی ممبران کو بھی سماعت کے دوران شرکت کی اجازت دی جائے۔

درخواست کی تفصیلات

حکم نامہ بیرسٹر سلمان صفدر کی درخواست پر جاری کیا گیا ہے جنہوں نے جیل سماعت کے دوران وکلا اور فیملی کو روکنے کے اقدام کو چیلنج کیا تھا، عدالت نے سپرنٹنڈنٹ جیل کو احکامات جاری کرنے کے بعد درخواست نمٹا دی۔