اقتصادی رابطہ کمیٹی نے گلگت بلتستان سیلاب متاثرین کے لیے 3 ارب روپے کی امداد منظور کرلی

گلگت بلتستان کے سیلاب متاثرین کے لیے امداد

اسلام آباد (ڈیلی پاکستان آن لائن) اقتصادی رابطہ کمیٹی نے گلگت بلتستان کے سیلاب متاثرین کے لیے 3 ارب روپے کی امداد منظور کرلی جبکہ متاثرہ علاقوں کی جلد تعمیر نو اور متاثرین کو خیمے، ادویات اور خوراک فراہم کرنے کا فیصلہ بھی کیا گیا۔

یہ بھی پڑھیں: دبئی ایئر شو میں بھارت کو شرمندگی کا سامنا، بھارتی جنگی طیارے تیجس کا ایئر شو کے دوران تیل لیک ہو گیا

اقتصادی رابطہ کمیٹی کا اجلاس

وزیر خزانہ محمد اورنگزیب کی زیر صدارت اقتصادی رابطہ کمیٹی کا اجلاس ہوا۔ پی ٹی وی کے لیے 3 ارب 81 کروڑ روپے کی تکنیکی گرانٹ کی منظوری دی گئی اور ہدایت کی گئی کہ ادارہ بجٹ پر انحصار کم کر کے خود کفالت کی جانب بڑھے۔

یہ بھی پڑھیں: وزیراعظم شہباز شریف کو روسی صدر سے ملاقات کے لیے 40 منٹ انتظار کا دعویٰ غیر مصدقہ اور گمراہ کن نکلا

منی پروجیکٹس کی منظوری

اجلاس میں کیپٹو پاور کنزیومرز سے لیوی وصولی کا فائدہ گرڈ صارفین کو منتقل کرنے اور مشکے تھلیاں تروجبہ وائٹ آئل پائپ لائن منصوبے کی شرائط منظور کر لی گئیں۔ یہ منصوبہ پاکستان اور آذربائیجان کے تعلقات مزید مضبوط کرے گا۔ ای سی سی نے سنرجیکو آئل ریفائنری سے پیٹرولیم لیوی کے تمام واجبات وصول کرنے کی ہدایت بھی دی۔

یوٹیلیٹی اسٹورز کارپوریشن کے ملازمین کے پیکج پر صورتحال

یوٹیلیٹی اسٹورز کارپوریشن کے ملازمین کے لیے 27 ارب روپے کے پیکج پر اجلاس میں کوئی پیش رفت نہ ہو سکی حالانکہ آج سمری پیش کیے جانے کا امکان ظاہر کیا گیا تھا۔