لاہور میں سی سی ڈی کے 3 مبینہ مقابلوں میں 2 ملزم ہلاک، ایک زخمی
لاہور میں مبینہ مقابلے
لاہور (ڈیلی پاکستان آن لائن) کرائم کنٹرول ڈیپارٹمنٹ کے 3 مبینہ مقابلوں میں 2 ملزمان ہلاک جبکہ ایک زخمی ہوگیا، کرائم کنٹرول ڈیپارٹمنٹ کا دعویٰ ہے کہ مارے گئے ملزمان سنگین وارداتوں میں ملوث تھے۔
یہ بھی پڑھیں: امریکی جج نے ٹرمپ انتظامیہ کو ہارورڈ کے غیر ملکی طلباء پر پابندی لگانے سے روک دیا
مسلم ٹاؤن میں فائرنگ کا واقعہ
سی سی ڈی حکام کے مطابق مسلم ٹاؤن میں پٹرولنگ کے دوران 2 موٹر سائیکل سواروں نے سی سی ڈی اہلکاروں کے رکنے کا اشارہ کرنے پر فائرنگ کردی جس پر جوابی فائرنگ میں ایک ملزم ہلاک جبکہ دوسرا فرار ہوگیا۔ ہلاک ملزم کی شناخت بلال کے نام سے ہوئی۔
یہ بھی پڑھیں: پنجاب میں 46 ہزار سرپلس اساتذہ، 15 جولائی سے ریشنلائزیشن کا عمل شروع کیا جائے گا: رانا سکندر حیات
بادامی باغ اور شفیق آباد میں کارروائیاں
بادامی باغ میں سی سی ڈی کے ساتھ مبینہ مقابلے میں 2 ڈاکو ہلاک ہوگئے، جن کی شناخت راشد اور ذیشان کے نام سے ہوئی۔ اسی طرح شفیق آباد میں سی سی ڈی کے ساتھ فائرنگ کے تبادلے میں ایک ملزم کو زخمی حالت میں گرفتار کرلیا گیا۔
دھشت گردوں کی نشاندہی اور تلاش
سی سی ڈی حکام کے مطابق مارے گئے ملزمان ڈکیتی، قتل اور اسٹریٹ کرائم میں ملوث تھے جبکہ فرار ہونے والے ڈاکوؤں کی تلاش شروع کردی گئی ہے۔








