عمران خان نے پارٹی کو قومی اسمبلی کی تمام کمیٹیوں سے مستعفی ہونے کی ہدایت کردی

عمران خان کی ہدایت

راولپنڈی(ڈیلی پاکستان آن لائن) پاکستان تحریک انصاف کے بانی عمران خان نے پارٹی کو قومی اسمبلی کی تمام کمیٹیوں سے مستعفی ہونے کی ہدایت کردی۔

یہ بھی پڑھیں: ڈونلڈ ٹرمپ کی ریلی کے دوران فلسطین کی آزادی کیلئے نعرے بلند ہوگئے

علیمہ خان کی میڈیا گفتگو

اڈیالہ جیل کے باہر دیگر دو بہنوں کے ہمراہ میڈیا سے گفتگو کرتے ہوئے علیمہ خان کا کہنا تھاکہ ہم کارکنان کے شکرگزار ہیں جو ہمارے ساتھ یہاں کئی مہینوں سے کھڑے رہے۔ ہم 3 ماہ سے آرہے تھے ملاقات کرنے نہیں دے رہے تھے اور اللہ کا شکر ہے آج ہماری بانی پی ٹی آئی سے ملاقات ہوئی ہے۔ چار مہینے بعد ہم سب بہنوں کی بانی پی ٹی آئی سے ملاقات کرائی گئی۔

یہ بھی پڑھیں: ترکیہ کو مطلوب خطرناک دہشت گرد پاکستان کی مدد سے گرفتار

وکلا کی ملاقات اور صحت کی صورتحال

انہوں نے کہا کہ سلمان اکرم راجا، بیرسٹرگوہر اور علی ظفر سمیت باقی وکلا کی ملاقات بھی ہوئی۔ بانی پی ٹی آئی کی صحت بالکل ٹھیک ہے، ان کی آنکھ میں کوئی مسئلہ ہے اس کیلئے عدالت میں درخواست دے رہے ہیں۔ ان کی آنکھوں کے علاج کیلئے پمز ہسپتال کے ڈاکٹرز آئیں گے۔

یہ بھی پڑھیں: عیدالاضحیٰ پر قیدیوں کی اسپیشل ملاقاتیں، احکامات جاری

بشریٰ بی بی اور سیاسی حالات

علیمہ خان کا کہنا تھاکہ بانی پی ٹی آئی بشریٰ بی بی کی وجہ سے پریشان ہیں، عمران خان کو شیرشاہ اور شاہ ریز کی گرفتاری کا بتایا۔ ان کا مزید کہنا تھاکہ عمران خان نے سزاؤں اور نااہلیوں پر کہا یہ کبھی پاکستان میں نہیں ہوا، کرکٹ کو محسن نقوی نے تباہ کیا ہے۔

پارٹی کے مستقبل کے لائحہ عمل

انہوں نے بتایاکہ بانی پی ٹی آئی نے بونیراوردیگر علاقوں میں سیلاب کی تباہ کاری پر افسوس کیا۔ علیمہ خان کا کہنا تھاکہ بانی پی ٹی آئی نے پارٹی کو ہدایات دی کہ پارلیمنٹ کی تمام کمیٹیوں سے مستعفی ہوجائیں۔ بانی پی ٹی آئی نے ضمنی انتخابات کے حوالے سے بیرسٹرگوہر اور سلمان اکرم راجہ کو ہدایات دیں اور کہا کہ ضمنی elections میں حصہ لیکر انتخابات کو قانونی جواز فراہم نہیں کرنا چاہیے۔